VII კლასმა წარმოადგინა პროექტი ინგლისურ ენაში თემაზე: „მსოფლიო დღეს და ხვალ“.  პრეზენტაციისას მოსწავლეებმა ისაუბრეს, თუ რამდენად მნიშვნელოვანია ადამიანის არსებობისთვის ისეთი გარემო, სადაც იქნება სუფთა ჰაერი, წყალი და ჯანსაღი კლიმატი. მათი აზრით, ყველაზე კარგი ფაქტორი, რაც ეკოლოგიური პრობლემების მოგვარებისთვის შეიძლება იყოს, არის ადამიანების პასუხისმგებლობა კლიმატის ცვლილებაზე. მათ გაანალიზეს, რომ ბუნებასთან მიმართებაში ყოველი არასწორი ქმედება დააზარალებს იმ გარემოს, რომელშიც თვითონ ცხოვრობენ და ასე აუცილებელია მათთვის. პროექტზე მუშაობამ ხელი შეუწყო მოსწავლეებში შემოქმედებითი უნარების განვითარებას და დამოუკიდებელი მუშაობის ჩვევების გამომუშავებას დაა ასევე მათ აღუძრა გარემოს დაცვისა და ეკოლოგიური ფაქტორების გათვალისწინების სურვილი. /მასწ.: ნათია დემეტრაშვილი/

XI კლასში ქიმიის გაკვეთილის თემა იყო  -„ნახშირწყლები“. მოსწავლეებმა ისაუბრეს, თუ რა შინაარსის მატარებელია სახელწოდება -ნახშირწყლები, რა უდევს საფუძვლად მათ კლასიფიკაციას, ქიმიური თვალსაზრისით რა ბუნებისაა ნივთიერება გლუკოზა, შეამოწმეს მისი წყალში ხსნადობა. ამასთან დაკავშირებით ჩაატარეს ექსპერიმენტები: 0,5 მლ გლუკოზის ხსნარზე დაამატეს 2 მლ ტუტის წყალხსნარი და შემდეგ 1 მლ შაბიამნის წყალხსნარი.

ასევე ჩაატარეს ექსპერიმენტი მეორე ქიმიურ ჭიქაში - მოათავსეს 1 მლ გლიცერინი, დაამატეს 2 მლ ნატრიუმის ტუტის წყალხსნარი, დაამატეს 1 მლ შაბიამნის წყალხსნარი.  შეადარეს მიღებული შედეგები და ახსნეს ლურჯი ფერის მიღების მიზეზი.

ასევე ისაუბრეს სახამებლის თვისებებზე, თუ რატომ ვერ ითვისებს სახამებელს ადამიანის ორგანიზმი უშუალოდ, რატომ ხარშავენ სახამებლის შემცველ პროდუქტს, რომელი ნივთიერების დახმარებით დავადგენთ სახამებლის არსებობას - ჩაატარეს იოდის თვისებითი რეაქცია სახამებელთან.

გაკვეთილის ბოლოს მოსწავლეებმა  ბურთულღეროვანი მოდელებით ააწყვეს სხვადასხვა ორგანული ნივთიერებები და ახსნეს მათი აღნაგობა.

გაზაფხულის თბილი ამინდების გამოსვლისთანავე, ჩვენი გაკვეთილები საკლასო ოთახიდან შეძლებისდაგვარად,  ღია ცის ქვეშ - სკოლის ეზოში ინაცვლებს. ამჯერად ჩატარდა ქართული ენისა და ლიტერატურის გაკვეთილი /მასწ.: ირმა ალფაიძე/

ჩვენი პატარები ყურადღებით ასრულებენ მითითებებს ქართულ ენასა და ლიტერატურაში

„ ვინ უკეთ იცნობს ჩვენს ქვეყანას" -  ეს იყოს გაკვეთილის თემა V კლასში.

თემასთან დაკავშირებით, ჩატარდა ჯგუფური მუშაობა, რომლის მიზანი იყო ცოდნის შედეგზე ორიენტირება. ასეთმა სამუშაომ ხელი შეუწყო მოსწავლეებში არსებული ინფორმაციის მყარ ცოდნად გარდაქმნას. გაზარდა მათი მოტივაცია.

მოსწავლეებმა ხალისით შეასრულეს დავალება - გამოამჟღავნეს არსებული ცოდნა და გამოვლინდა გამარჯვებული ჯგუფი.  /მასწ.: იზა გარსენიშვილი/

გაკვეთილის  თემა V კლასთან ბუნებისმეტყველებაში  იყო - კვებითი ჯაჭვები, რომელიც  გვიჩვენებს, თუ  რომელი ორგანიზმი  რით იკვებება და როგორ უკავშორდებიან  ორგანიზმები ერთმანეთს  საკვების მოხმარების მიხედვით.

მოსწავლეებმა წარმოადგინეს  პრეზენტაცია ელექტროლიზის თემაზე, სადაც დაწვრილებით განიხილეს ელექტროლიზის პროცესი, მისი მიმდინარეობის პრინციპი და პრაქტიკული მნიშვნელობა. პრეზენტაციაში ყურადღება იყო დათმობილი ელექტროლიზის პროცესების რაოდენობრივ შეფასებასა და ფარადეის კანონების დახმარებით, თუ როგორ შეიძლება ელექტროდებზე გამოყოფილი ნივთიერების რაოდენობის დადგენა.

2022 წლის 29 აპრილს VI კლასმა წარმოადგინა პრეზენტაცია - „რენესანსიდან იმპრესიონიზმამდე“.  ეს იყო კომლექსური შემაჯამებელი დავალება, რომელიც მოსწავლეებისაგან მოითხოვდა  ორი მხატვრული მიმდინარეობის განხილვას:

       1.   აღორძინების პერიოდის ხელოვნება,  რა პერიოდს მოიცავს ეს მიმდინარეობა, როდის და სად ჩამოყალიბდა. მისი მხატვრული მახასიათებლებით (ფორმა, ფერი, კომპოზიცია, პერსპექტივა, სივრცე ნახატში) და ამ ეპოქის მთავარი მახასიათებლით - ადამიანის, როგორც პიროვნების წინა ხაზზე წამოწევით.

      2.   იმპრესიონისტი  და პოსტიმპრესიონისტი მხატვრების შემოქმედება. როდის და სად შეიქმნა იმპრესიონიზმი.  ამ მიმდინარეობის  ძირითადი მხატვრული მახასიათებლები( ფერი, ფორმა, კომპოზიცია ), რა  ტექნიკური ხერხებით და როგორ ხატავდნენ ეს მხატვრები. რა როლი მიუძღვით მათ ხელოვნების შემდგომ განვითარებაში.

VIII კლასის მოსწავლეებმა განახორციელეს კომპლექსური დავალება ფიზიკაში  ,,იგლუ".
თემა: სითბური მოვლენები;

დავალების ფარგლებში დამუშავდა  შემდეგი  ცნებები:

მატერია (სითბური გაფართოება, თბოგამტარობა), სტრუქტურა, ენერგი (კონვექცია, გამოსხივება) ურთიერთქმედება, კვლევის მეთოდი (ცდა, ექსპერიმენტი) და ა. შ.
კომპლექსური დავალების განხორციელების პროცესში მოსწავლეები აქტიურად იყვნენ ჩართულნი, თემასთან დაკავშირებით მათ  მოიძიეს სხვადასხვა საინტერესო ინფორმაცია, წარმოადგინეს ფოტომასალა, შექმნეს მოდელები, გააკეთეს ანალიზი და წარმოადგინებს საინტერესო პრეზენტაციები.

მოსწავლეებმა გაკვეთილის ბოლოს ისაუბრეს კომპლექსური დავალების მეთოდით სწავლების უპირატესობასა და დავალების განხორციელების პროცესში შეძენილ ცოდნა-გამოცდილებაზე.

მოსწავლეებმა პასუხი გასცეს საკვანძო შეკითხვებს:  როგორ შეიძლება სხეულის ტემპერატურის შეცვლა? რატომ ვრცელდება სითბო განსხვავებულად სხვადასხვა ნივთიერებაში? და სხვა

გაკვეთილის კომპლ. დავალების პრეზენტაციამ დაგვანახა შედეგი (ინდიკატორები): სითბოს გადაცემის სახეების დახასიათება და მათ თავისებურებებზე არგუმენტირებული მსჯელობა (ფიზ. საბ. 1, 2, 3)   /მასწ.: მ. გოგაძე/