სასწავლო წლის ბოლოს II კლასის მოსწავლეებმა სკოლის სცენაზე გააცოცხლეს ა. ტოლსტოის ზღაპრული სამყარო და „ბურატინოს თავგადასავალის“ პერსონაჟების როლები მოირგეს.
თავდაპირველად ბავშვებმა გულდასმით წაიკითხეს წიგნი, ისაუბრეს და გაითავისეს გმირები, შეიყვარეს პერსონაჟები. ბოლოს კი ნამდვილ მსახიობებად მოგვევლინენ... ჩვენმა პატარებმა ხელოვნების მასწავლებლის (ქ. თვაური) დახმარებით, გააფორმეს აფიშა სპექტაკისათვის და მოიწვიეს მშობლები და მასწავლებლები. სპექტაკლზე მუშაობდნენ კლასის დამრიგებელი - მ. კუბლაშვილი და მეტყველების მასწავლებელი - მ. თევზაძე.
ბავშვებმა უნაკლოდ შეასრულეს თავიანთი როლი და სიმღერები და დამსწრეთა დიდი მოწონება დაიმსახურეს. მათთვის ეს დღე ყოველთვის დაუვიწყარი იქნება.
