III კლასის მოსწავლეები ექსკურსიით ეწვივნენ ხაშმს, სადაც პირველ რიგში მოინახულეს ქართველი მწერლის რევაზ ინანიშვილის სახლ-მუზეუმი (დამრიგებელი: მარიამ კუბლაშვილი). ბევრი საინტერესო რამ გაიგეს ქართველი მწერლის ცხოვრებისა და შემოქმედების შესახებ გიდის დახმარებით,გაიხსენეს სკოლაში ნასწავლი მოთხრობები.
შემდეგ მოსწავლეებმა მონაწილეობა მიიღეს რთველში. მოსწავლეებმა საკუთარი თვალით ნახეს ყურძნის კრეფისა და წურვის პროცესი. ასევე ამოავლეს ჩურჩხელები. ეს იყო საინტერესო, შემეცნებითი და ამავე დროს შემოქმედებითი აქტივობა, რადგან ჩვენმა პატარებმა ყველაფერი საკუთარი ხელით გააკეთეს.
