ინტელექტუალური თამაში „ტვინების ბრძოლა“ ჩვენი მოსწავლეების ერთ-ერთი საყვარელი აქტივობაა. საგაზაფხულო ტურნირში ჩართულები იყვნენ III – XI კლასების მოსწავლეები.
ყველა ასაკობრივ კატეგორიაში თამაში მიმდინარეობდა დაძაბულად. თითოეული გუნდი ცდილობდა მაქსიმალურად წარმოეჩინათ თავი და გამოევლინა თავისი შესაძლებლობები.
თამაშის საბოლოო შემდეგები ასეთია:
U5 ასაკობრივი კატეგორია (III-IV-V კლ):
I ადგილი - გუნდი „მეგა ტვინები“ (66 ქულა - V კლ)
II ადგილი - გუნდი „ფენიქსი“ (56 ქულა - IV კლ)
III ადგილი - გუნდი „ლომები“ (54 ქულა - III კლ)
გუნდი „შევარდენი“ (54 ქულა - V კლ)
U8 ასაკობრივი კატეგორია (VI-VII-VIII კლ):
I ადგილი - გუნდი „ბუები“ (84 ქულა - VII კლ)
II ადგილი - გუნდი „ჰეროდოტე“ (83 ქულა - VIII კლ)
III ადგილი - გუნდი „ტიფლისი“ (79 ქულა - VIII კლ)
U12 ასაკობრივი კატეგორია (IX-X-XI კლ):
I ადგილი - გუნდი „გალაქტიკა“ (78 ქულა - XI კლ)
II ადგილი - გუნდი „ნიკე“ (61 ქულა - X კლ)
III ადგილი - გუნდი „ელპრიმო“ (60 ქულა - X კლ)
14 აპრილი - დედაენის დღეა!
ამასთან დაკავშირებით, დაწყებით კლასებში (I-IV კლ) ტრადიციულად ჩატარდა კალიგრაფიის კონკურსი, სადაც გამოვლინდნენ გამარჯვებული მოსწავლეები. განსაკუთრებული მონდომებით გამოირჩეოდნენ პირველკლასელები, რომლებმაც შესანიშნავად გაართვეს თავი ამ საპასუხისმგებლო დავალებას.
დედამიწის დღესთან დაკავშირებით, IX კლასის ინიციატივით (საგანი - გეოგრაფია, მასწავლებელი - ე. ბუცხრიკიძე) სკოლაში შეგროვდა მაკულატურა, რომლის ჩაბარებითაც მიღებული თანხით კლასმა შეიძინა 3 რუკა გეოგრაფიისა და ეიტორიისათვის, გოდერძი ჩოხელის მოთხრობების კრებული ბიბლიოთეკისათვის და 2 ლახტი მოსწავლეთა ფიზიკური აღზრდის გაკვეთილისათვის.
მოსწავლეებმა თავიანთი ხელით მოაწესრიგეს რუკები. კრებული გადასცეს ბიბლიოთეკას, ხოლო ლეხტებით გაახარეს დაწყებითი კლასების მოსწავლეები. ქ-ნმა ელისომ პატარებს მოკლედ აუხსნა მეორადი ქაღალდის გადამუშავებისა და დედამიწის დღის აღნიშვნის მნიშვნელობაზე.
ჩვენი სკოლის მოსწავლეები სისტემატიურად სტუმრობენ თეატრებს სხვადასხვა სპექტაკლებზე. ამჯერად ისინი იმყოფებოდნენ:
19 მარტს - Xა, Xბ და XI კლასები - მუსკომედიის თეატრში სპექტაკლზე „გაყრა“ (რეჟისორი - დ. დოიაშვილი);
21 მარტს - V კლასი - მოზარდ მაყურებელთა თეატრში სპექტალზე- „ფრთხილად, ადამსები!“
22 მარტს კი - VI კლასი იმყოფებოდა ასევე მოზარდმაყურებელთა თეატრში სპექტაკლზე „ოდისეა“.
2024 წლის 25 მარტს ევროპის მასშტაბით დაიგეგმა ევროპელი ავტორების დღის აღსანიშნავი სხვადასხვა ღონისძიება, რაც მოიაზრებდა სხვადასხვა წიგნების განხილვას, ლიტერატურულ საღამოებს, ავტორების ვიზიტებს სკოლებში, ბიბლიოთეკებსა და სხვა საგანმანათლებლო დაწესებულებებში და ა.შ.
ამ დღეს ჩვენი სკოლაც გამოეხმაურა - ინგლისური ენის მასწავლებლის ქ-ნ ნათია დემეტრაშვილის ხელმძღვანელობით, სკოლის ბიბლიოთეკაში შეიკრიბნენ VII და IX კლასების მოსწავლეები, რომლებმაც კიდევ ერთხელ გაიხსენეს ყველასათვის საყვარელი ცნობილი ევროპელი მწერლები - ინგლისურ ენაზე წაიკითხეს მათი ბიოგრაფიები და თხზულებები. ღონისძიებას ესწრებოდნენ სკოლის დირექციის წარმომადგენლები.
