დავალება: გამომხმარი, უსიცოცხლო ხისათვის სულის შთაბერვა.
მოსწავლეებს სხვადასხვა ფერის ფოთლებზე უნდა გაეკეთებინათ ჩანაწერები და ამ ფოთლებით შეემოსათ უსიცოცხლო ხე. კერძოდ,
1. მწვანე ფერის ფოთლებზე უნდა დაეწერათ თავიანთი კარგი თვისებები;
2. ყვითელი ფერის ფოთლებზე - კითხვები, რაც მათ სამყაროს მიმართ აქვთ;
3. წითელი ფერის ფოთლებზე - რაც თავიანთ ცუდ თვისებად მიაჩნიათ;
4. ლურჯი ფერის ფოთლებზე - მათი ოცნებები.
ბოლოს კი ხისთვის უნდა გაეკეთებინათ ფესვები და ფესვებზე დაეწერათ ის ყველაფერი, რაც მათ ცხოვრებაში აძლიერებთ. მუშაობის დროს მოსწავლეებს ჰქონდათ სრული თავისუფლება, შეეძლოთ გამოეყენებინათ ფერადი ფანქრები ან მარკერები და ა.შ.
„მომავალი განათლებაშია! ...“
IX კლასის მოსწავლეებმა წარმოგვიდგინეს პრეზენტაცია "მოლეკულები, რომლებმაც შეცვალეს სამყარო ". პრეზენტაციის მიზანი იყო მოსწავლეებს დაენახათ ქიმიური ნაერთების გავლენა ისტორიულ, სოციალურ და პრაქტიკულ ჭრილში - თუ როგორ შეუძლიათ, ერთი შეხედვით უბრალო მოლეკულებს შეცვალონ ცივილიზაციის განვითარება. განხილული იყო მოლეკულები, რომლებმაც დიდი კვალი დატოვეს კაცობრიობის ისტორიაში. პენიცილინი, როგორც მედიცინის გადატრიალება, შავი დენთი - ომების სტრატეგიის შეცვლის ერთ-ერთი მძლავრი საშუალება და ბოლოს, დდტ (დუსტი) - მძლავრი პესტიციდი, რომელიც გარემოს დაცვით პრობლემების გააზრებას მისცა ბიძგი. მოლეკულებმა გვამოგზაურეს ქიმიის საიტერესო სამყაროში, იქ, სადაც მეცნიერული აღმოჩენები არა მხოლოდ ლაბორატორიაში, არამედ რეალურ ცხოვრებაში ცვლიან ადამიანის ყოფას, ჯანმრთელობას და გარემოს.
მოსწავლეთა ცნობიერების ამაღლების მიზნით, სკოლის ფსიქოლოგმა მარიამ ჟორჟოლიანმა II და IV კლასების მოსწავლეებთან განახორციელა აქტივობა სახელწოდებით „მეგობრები არ ითვლიან ქრომოსომებს!“
როგორც სტატისტიკური მონაცემებით ირკვევა, მსოფლიოში 600-800 ახალშობილიდან, ერთი დაუნის სინდრომით იბადება. ამ დაავადების მქონე ბავშვი, შესაძლებელია ნებისმიერ ადამიანს გაუჩნდეს. ის არც მემკვიდრეობითია და არც გადამდები. სინდრომი გოგონებსა და ბიჭებში, ერთნაირი სიხშირით ვლინდება.
დაუნის სინდრომი არის ადამიანის გენეტიკური მდგომარეობა, როდესაც ყველა უჯრედში 46 ქრომოსომის ნაცვლად, 47 ქრომოსომაა. ეს მისი ბუნებრივი მდგომარეობაა, აქედან გამომდინარე, დაუნის სინდრომი დაავადება არ არის.
2006 წლის 21 მარტს, პირველად აღინიშნა დაუნის სინდრომის მქონე პირთა საერთაშორისო დღე. დღე და თვე შემთხვევით არ აურჩევიათ, 21-ე ქრომოსომას აღნიშნავს თარიღი, ხოლო მარტი, როგორც წელიწადის მესამე თვე ტრისომიულ მოვლენას.
მსოფლიოს მრავალ ქვეყანაში ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიებები იმართება, მათ რიცხვშია საქართელოც.