2025 წლის 04 აპრილს, II და IV კლასების მოსწავლეები ესტუმრნენ მედიათეკას, რომელიც დიდ დიღომში რამდენიმე თვის წინ გაიხსნა. სტუმრობა უკავშირდება ბავშვთა კითხვის საერთაშორისო დღეს, რომელივ 02 აპრილს აღინიშნება. ჩვენი მასპინძლები იყვნენ მედიათეკის თანამშრომლები - ქ-ნი დიანა თოდრია და ლეილა ალავერდაშვილი, რომლებიც ჩვენს მოსწავლეებს მოკლედ ესაუბრნენ ბიბლიოთეკის წარმოშობის, პირელი ხელნაწერებისა და გამოცემების შესახებ. ასევე ბიბლიოთეკაში ქცევის წესების შესახებ, რომელთა დაცვაც ყველასათვის სავალდებულოა. ქ-ნმა ლეილამ ბავშვებს წაუკითხა ზღაპარი, რის შემდეგაც წიგნების სამყაროში წაკითხვის სურვილი ჩვენს პატარებსაც გაუჩნდათ - წაიკითხეს სულხა-საბა ორბელიანის იგავ-არაკები და აღნიშნეს, თუ რას გვესწავლის თითოეული მათგანი.
მედიათეკაში სტუმრობა და მიღებული შთაბეჭდილებები მუდამ ემახსოვრებთ ჩვენს მოსწავლეებს.
კინგსისა და ევერესტის ოლიმპიადებში წარმატებული მონაწილეობისათვის ამჯერად სიგელები გადაეცათ II კლასის მოსწავლეებს: სოფია ოთხოზორიას (კინგსი - მათემატიკა), ლევან მატარაძეს (კინგსი - მათემატიკა) და IV კლასის მოსწავლეს - ელენე კაპანაძეს (კინგსი - ქართული, ევერესტი - მათემატიკა).
ტვინების ბრძოლის სიგელები კი ამჯერად გადაეცათ გაბრიელ შარვაძესა და ელენე კაპანაძეს, რომლებიც ობიოქტური მიზეზების გამო ვერ დაესწრენ „ტვინების ბრძოლის“ თამაშს.
2024-2025 სასწავლო წლის სასკოლო პროექტის თემაა - ჯანსაღი ცხოვრების წესი - „იზრუნა ჯანმრთელობაზე და გაიხანგრძლივე სიცოცხლე“.
პროექტის ფარგლებში, XI კლასის მოსწავლეთა ინიციატივით ზამთრის არდადეგების პერიოდში დაიგეგმა დასვენება ბაკურიანში. მათ გვერდში დაუდგნენ მშობლები. მათთან ერთდ იმყოფებოდა კლასის დამრიგებელი ქ-ნი ლალი ლამბრიანიძე. ეს იყო არა მარტო დასვენება, არამედ ჯანსაღი ცხოვრების წესის დამკვიდრების პოპულარიზაცია. ბავშვები დიდი შთაბეჭდილებებით დაბრუნდნენ სახლებში.
ჩვენი სკოლის IV კლასის მოსწავლე - გაბრიელ გეგნავა ყოველთვის წარმატებით მონაწილეობს კინგსის ოლიმპიადებში. ასე იყო ამჯერადაც - მან სამ საგანში (ქართული, მათემატიკა და ინგლისური) მონაწილეობა მიიღო კინგსის ოლიმპიადის საერთაშორისო ლიგაზე და დაიმსახურა ოქროს, ვერცხლისა და ბრინჯაოს მედლები, რითაც ყველა ძალან გაგვახარა.
ვულოცავთ ჩვენს გაბრიელს ამ გამარჯვებას!
ვუსურვებთ, რომ კვლავაც არაერთი ჯილდოს მფლობელი გამხდარიყოს გაეხარებინოს მისი გუშემატკივრები!!!
Vბ კლასის მოსწავლეებმა წარმოადგინეს შემოქმედებითი პროდუქტი - მუსიკალური მინი-სპექტაკლი სახელწოდებით „საახალწლო ზღაპარი“ (საგანი - მუსიკა, მასწ.: მ. ბექურიძე). მოსწავლეებმა თავად გაანაწილეს როლები, დაამუშავეს სახელმძღვანელოში მოცემული ზღაპრის ტექსტი და შესაბამისი სცენები. მუსიკალურმა გაფორმებამ წარმოდგენის პესონაჟებთან ერთად თვალწინ გადაგვიშალა ზღაპრული სამყარო. დასასრულს მათ ქართულ ენაზე შეასრულეს ყველასათვის საყვარელი საშობაო სიმღერა „Jingle Bells“.
