სიახლეები
2025 წლის 04 აპრილს, II და IV კლასების მოსწავლეები ესტუმრნენ მედიათეკას, რომელიც დიდ დიღომში რამდენიმე თვის წინ გაიხსნა. სტუმრობა უკავშირდება ბავშვთა კითხვის საერთაშორისო დღეს, რომელივ 02 აპრილს აღინიშნება. ჩვენი მასპინძლები იყვნენ მედიათეკის თანამშრომლები - ქ-ნი დიანა თოდრია და ლეილა ალავერდაშვილი, რომლებიც ჩვენს მოსწავლეებს მოკლედ ესაუბრნენ ბიბლიოთეკის წარმოშობის, პირელი ხელნაწერებისა და გამოცემების შესახებ. ასევე ბიბლიოთეკაში ქცევის წესების შესახებ, რომელთა დაცვაც ყველასათვის სავალდებულოა. ქ-ნმა ლეილამ ბავშვებს წაუკითხა ზღაპარი, რის შემდეგაც წიგნების სამყაროში წაკითხვის სურვილი ჩვენს პატარებსაც გაუჩნდათ - წაიკითხეს სულხა-საბა ორბელიანის იგავ-არაკები და აღნიშნეს, თუ რას გვესწავლის თითოეული მათგანი.
მედიათეკაში სტუმრობა და მიღებული შთაბეჭდილებები მუდამ ემახსოვრებთ ჩვენს მოსწავლეებს.
მასწავლებელთა საჭიროებიდან გამომდინარე, სკოლის აკადემიურმა
დირექტორმა და სასწავლო ნაწილის გამგემ, საგნობრივ კათედრებთან
ჩაატარეს ონლაინ ტრენინგები. აღნიშნული შეხვედრების მიზანი იყო კიდევ
ერთხელ გადაგვევლო თვალი მასწავლებელთა პორტფოლიოებისათვის. კიდევ
ერთხევ ჩავუღრმავდით სასკოლო კურიკულუმის მნიშვნელობას, შემოქმედებით
პროდუქტებსა და შემაჯამებელ დავალებებზე მუშაობას, შევეხეთ რესურსების
გამოყენების საკითხებსა და შეფასების რუბრიკებს. ეს შეხვედრა
განსაკუთრებით სასარგებლო იყო ჩვენი ახალი მასწავლებლისათვის.
V
კლასის მოსწავლეებმა სასკოლო პროექტს მიუძღვნეს გაკვეთილი ქართულ
ენასა და ლიტერატურაში. მათ შეასრულეს ჯგუფური სამუშაო და განიხილეს
საკითხები: სწორი კვება, პირადი ჰიგიენა, მავნე ჩვევები, ფიზიკური
აქტივობა, უსაფრთხო გარემო. ბავშვებმა ისაუბრეს აღნიშნულ საკითხებზე
და შეასრულეს ნახატები სწორ კვებაზე, მავნე ჩვევებზე, პირად
ჰიგიენაზე, უსაფრთხო გარემოზე.
საკონტაქტო ინფორმაცია
თბილისი, დიდი დიღომი, გიორგი ბრწყინვალეს 41ა
2 53 56 68; 2 53 56 69
599 71 10 40; 599 04 40 14
www.iveronischool.ge
