მიმდინარე წლის 18 ივნისს, სკოლა ,,ივერონის“   X კლასის მოსწავლეები იმყოფებოდნენ ექსკურსიაზე კახეთში, მარშრუტით - თბილისი, ძველი და ახალი შუამთა, ალავერდი, იყალთო, თელავი- ერეკლე მეფის სასახლე, წინანდალი, გრემი, ნეკრესი, თბილისი.

ექსკურსიის მიზანს წარმოადგენდა მოსწავლეთა კულტურულ, შემეცნებითი და საგანმანათლებლო უნარების განვითარება. ასევე, ცოდნის გაღრმავება და თვალსაწიერის გაფართოვება.

სკოლა „ივერონის“ IV კლასის მოსწავლეებმა (დამრიგებელი: ნ. შაროვი) დაათვალიერეს შიომღვიმეს მონასტერი და მცხეთის ტაძრები (წმინდა ნინოს სახელობის, სვეტიცხოველი).  შიომღვიმეს მონასტრში მოისმინეს ისტორია სამონასტრო კომპლექსის დაარსებისა  და შიო მღვიმელის მოღვაწეობის შესახებ. როგორც ცნობილია, მან თავისი ცხოვრების უკანასკნელი წლები გაატარა ბნელ და ღრმა მღვიმეში. ანდერძის თანახმად, ის იქვე დაასაფლავეს.  ბავშვებმა მოინახულეს საფლავი და მღვიმე, სადაც შიო მღვიმელი იმყოფებოდა გარდაცვალებამდე.

მოსწავლეებმა ასევე დაათვალიერეს მცხეთის ტაძრები. რელიგიის მასწავლებელი ქ-ნი მაია გოგრიჭიანი მათ ესაუბრა წმინდა ნინოს მიერ საქართველოში ქრისტიანობის გავრცელების შესახებ. იმ სასწაულებზე რაც უკავშირდება ამ ისტორიას. ტაძარში ნახეს წმინდა ნინოს ჯვრის ნაწილები.

სკოლა „ივერონი“ მოსწავლეთა სასკოლო პროექტები და ღონისძიებები დასრულდა  ყველაზე პატარა მონაწილეების გამოსვლით - ესენი არიან ჩვენი პირველკლასელები (დამრიგებელი: თამარ ჩაჩუა).  

ღონისძიება სახელწოდებით - „ანბანის გაცილება“,  ითვალისწინებდა  სასწავლო წლის მანძილზე მიღებული  ცოდნისა და უნარ-ჩვევების გამოვლენას. როლური თამაშები კი მათ დაეხმარათ უკეთ გაეაზრებინათ ქართველი მწერლებისა და პოეტების გამონათქვამები მეგობრობაზე,  ქართულ ენასა და  სამშობლოს სიყვარულზე. პატარებმა ასევე გაგვანცვიფრეს  საბავშვო სიმღერების საოცარი შესრულებით.

პირველკლასელთა სიხარულს საზღვარი არ ჰქონდა, როცა სკოლის დირექტორმა ბავშვებს გადასცა წამახალისებელი სიგელები სხვადასხვა ნომინაციებით. დასასრულს,  დამსწრე მასწავლებლებმა, მშობლებმა  და თავად მონაწილებმა,  მაისურებზე   გააკეთეს წარწერები სამახსოვრო სურვილებით!

სასწავლო წლის დასასრულს, VII კლასის მოსწავლეებმა კიდევ ერთი საინტერესო შემოქმედებითი საღამო წარმოგვიდგინეს.  სკოლის ბიბლიოთეკაში ამჯერად მათ მოგვითხრეს დიდი ილია ჭავჭავაძის ცხოვრებისა და შემოქმედების შესახებ, წაიკითხეს წერილები და  გაითამაშეს პატარა სცენები „ოთარაანთ ქვრივიდან“.

ღონისძიება შედგა მასწავლებლებისა და სკოლის დირექციის ხელშეწყობით (ი. ალფაიძე - ქართული ენისა და ლიტერატურის მასწავლებელი, მ. თევზაძე - მეტყველების მასწავლებელი, მ. დარჩაშვილი - სკოლის  დირექტორი).