რუსული ენის შემსწავლელი უფასო წრე IX კლასი

შპს კერძო სკოლა „ივერონი“ გთავაზობთ რუსული ენის შემსწავლელ უფასო წრეს IX კლასის მოსწავლეთათვის. წრის ხელმძღვანელია რუსული ენის მასწავლებელი ქ-ნი ნუნუ ჭუბაბრია.

მისია - განათლებული და ჰარმონიულად განვითარებული პიროვნების აღზრდა.

მიზანი: 

Ø  მოსწავლეების სასწავლო და შემოქმედებითი უნარების  განვითარება;

Ø  რუსული ენისადმი, როგორც სასწავლო საგნისადმი ინტერესის გაღვივება, თვალსაწიერის გაფართოება;

Ø  მოსმენისა  და ეფექტური კომუნიკაციის უნარების განვითარება;

Ø  კრიტიკული აზროვნების განვითარება

შედეგები: 

Ø   წრის მუშაობა ხელს შეუწყობს  მოსწავლეთა ორგანიზაციული  მუშაობის, მოსმენის, ელემენტარული კომუნიკაციის, შემოქმედებითი  უნარების განვითარებას;

Ø  მოსწავლეები უფრო მეტი ინტერესით  შეისწავლიან რუსულ ენას, გაიღრმავებენ

             ცოდნას, დაინტერესდებიან რუსული ლიტერატურით;

Ø  მოსწავლეები  გაიუმჯობესებენ  მეტყველების კულტურასა და კრიტიკული  აზროვნების უნარს;

Ø  რუსული ენისადმი  სიყვარული  ხელს შეუწყობს  მათ ინტერკულტურულ განვითარებას  და ტოლერანტ  პიროვნებად  ჩამოყალიბებას:

Ø  შემატებს მოსწავლეებს  თვითშეფასებისა  და  თავდაჯერებულობის  უნარს,

              პასუხისმგებლობის  გრძნობას;

Ø  საკვლევაძიებო  მუშაობისა და ღონისძიებების დაგეგმვა - წარმართვას.

  წრის დახასიათება

 წრე მიზნად ისახავს რუსული ენისადმი, როგორც სასწავლო საგნისადმი, მოსწავლეების ინტერესის გაღვივებას, ავთენტური ტექსტის მოსმენა-გაანალიზების ( რომელიც პრიორიტეტულია სწავლების ამ ეტაპზე),  ანალიტიკური უნარის,  გონებრივი და ფსიქო-ემოციური პოტენციალის, თანამშრომლობითი და შემოქმედებითი უნარების განვითარებას. ლექსიკური მარაგის თავისუფლად გამოყენებას კომუნიკაციის დროს, წარმოთქმის ნორმების  დახვეწას  უშუალოდ რუსული  ენის შესწავლას.

  მოსალოდნელი შედეგები

 მიმართულება: მოსმენა

უცხ.ს.V.1. მოსწავლეს შეუძლია მოისმინოს და გაიგოს უცხოენოვან თანამოსაუბრეთა შორის მიმდინარე ინტერაქცია (დიალოგი, ინტერვიუ) სხვადასხვა თემაზე.

შედეგი თვალსაჩინოა, თუ მოსწავლე:
      ·         ამოიცნობს საუბრის ძირითად თემას/საკითხებს;
      ·         ამოკრებს კონკრეტულ ინფორმაციას (ვინ, რა, სად, როდის, რომელი, როგორი, რამდენი, რატომ და სხვა);
     ·         საუბრის შინაარსიდან გამომდინარე, გამოაქვს დასკვნა თანამოსაუბრეთა ხასიათის, საქმიანობის, ინტერესების, სოციალური მდგომარეობისა და მათ შორის არსებული ურთიერთობის (მეგობრული,       კონფლიქტური, საქმიანი, დიდი ხნის ნაცნობები, ახლადგაცნობილები და სხვა) შესახებ;
·         ინტონაციით განასხვავებს სათქმელის მოდალობას (შეკითხვას, თხოვნას, მოთხოვნას, საყვედურს, სინანულს, გაპროტესტებას);

უცხ.ს.V.3. მოსწავლეს შეუძლია მიმართოს სხვადასხვა სტრატეგიას მოსასმენი ამოცანების ეფექტურად გადაჭრის ხელშესაწყობად და მოსმენის უნარის გასაუმჯობესებლად.

 შედეგი თვალსაჩინოა, თუ მოსწავლე:

·         ცოცხალი მეტყველების/ჩანაწერის მოსმენისას იშველიებს არავერბალურ ელემენტებს (ხმის ტემბრს, ინტონაციის, მიმიკას, ჟესტიკულაციას, სხვადასხვა ტიპის ხმაურს, ლოგიკურ მახვილებს, ილუსტრაციას, სქემას);

·         ამოიცნობს უცნობი სიტყვების, გამოთქმების მნიშვნელობას ნაცნობ ელემენტებზე დაყრდნობით (საკომუნიკაციო სიტუაცია, კონტექსტი);

·         ინიშნავს უცნობ სიტყვებს მათი მნიშვნელობის გასარკვევად;

·         მიზნის შესაბამისად ცვლის მოსმენის სტრატეგიას: ზოგადი შინაარსის გასაგებად ეყრდნობა ნაცნობ სიტყვებს, არავერბალურ ელემენტებს და ამოიცნობს საკომუნიკაციო სიტუაციას, კონტექსტს, სასაუბრო თემას;

·         კონკრეტული ინფორმაციის ამოსაცნობად შეარჩევს კონკრეტულ საყრდენებს, მათზე ამახვილებს ყურადღებას საჭირო ინფორმაციის ამოსაკრებად;

·         იხსენებს, სხვა საგნებში რა ტიპის სტრატეგია გამოუყენებია ინფორმაციის მოსმენისას, ადარებს ძველ და ახალ გამოცდილებას, გამოაქვს დასკვნები;

·         მსჯელობს, რომელ სასწავლო თუ ცხოვრებისეულ სიტუაციაში შეიძლება გამოადგეს გამოყენებული/განხილული სტრატეგიები.

  უცხ.ს.V.4. მოსწავლეს შეუძლია წაიკითხოს და გაიგოს სხვადასხვა სახის დარგობრივი შემეცნებითი ტექსტი (ისტორიის, კულტურის, არქეოლოგიის, გეოგრაფიის, ეკოლოგიის და სხვა სფეროდან).

 შედეგი თვალსაჩინოა, თუ მოსწავლე:

·         ამოიცნობს მთავარ თემას/საკითხებს;

·         ამოიცნობს ტექსტის ზედაპირზე (ექსპლიციტურად) მოცემულ ფაქტობრივ ინფორმაციას;

·         ტექსტს ყოფს შინაარსობრივ ნაწილებად;

·         განარჩევს ფაქტს ვარაუდისაგან;

·         აჯგუფებს ინფორმაციას სხვადასხვა ნიშნით;

·         ამოიცნობს ტექსტის სხვადასხვა მონაკვეთში მოცემულ ფაქტებსა და მოვლენებს შორის არსებულ კავშირს (მიზეზ-შედეგობრივი, შეპირისპირებითი, პირობითი, ინდუქციური და სხვა) და გამოაქვს სათანადო დასკვნა;

·         ამოიცნობს ტექსტის სხვადასხვა ნაწილში მოცემულ ინფორმაციებს შორის არსებულ ლოგიკურ კავშირებს;

·         აკავშირებს ტექსტში მოცემულ ინფორმაციას საკუთარ გამოცდილებასთან და ამის საფუძველზე გამოაქვს დასკვნა.

უცხ.ს.V.6. მოსწავლეს შეუძლია ადაპტირებული მოთხრობის/ ნოველის წაკითხვა და გაგება.

შედეგი თვალსაჩინოა, თუ მოსწავლე:

·         სათაურს გააზრებულად აკავშირებს ტექსტთან;

·         ამოიცნობს მოვლენათა თანამიმდევრობას;

·         ამოიცნობს მთხრობელს, პერსონაჟებს;

·         ამოიცნობს კონკრეტულ ინფორმაციას (ვინ, სად, რატომ, რა მიზნით და სხვა);

·         ამოიცნობს მთავარ და მეორეხარისხოვან პერსონაჟებს;

·         განმარტავს პერსონაჟთა ქცევის მოტივს და აფასებს მათ საქციელს;

·         ამოიცნობს პერსონაჟებს შორის არსებულ ურთიერთობებს;

·         ახასიათებს პერსონაჟებს როგორც ექსპლიციტურად მოცემულ ინფორმაციაზე დაყრდნობით, ისე შინაარსის გააზრების საფუძველზე;

·         ნაწარმოებში გამოყოფს სიუჟეტის განვითარების საფეხურებს (დასაწყისი, ამბის მსვლელობა, დასასრული);

·         ამოიცნობს მოვლენათა და პერსონაჟთა ავტორისეულ შეფასებებს.

უცხ.ს.V.9. მოსწავლეს შეუძლია ხმამაღლა წაიკითხოს ტექსტი/ნაწყვეტი.

 შედეგი თვალსაჩინოა, თუ მოსწავლე:

·         შეარჩევს ტექსტს/ნაწყვეტს, რომლის წაკითხვაც უნდა აუდიტორიის წინაშე;

·         წაკითხვამდე გაიაზრებს ტექსტის შინაარსს;

·         შინაარსის შესაბამისად ცვლის მეტყველების ტემპს, ხმის ტემბრსა და სიმაღლეს;

·         ინტონაციით გამოხატავს ტექსტში ასახულ ემოციებს;

·         სასვენი ნიშნების ფუნქციით იყენებს ინტონაციას;

·         შინაარსის მიხედვით იყენებს მიმიკა-ჟესტიკულაციას;

·         კითხვის პროცესში ცდილობს მხედველობითი კონტაქტის დამყარებას აუდიტორიასთან;

·         მეტყველებს გარკვევით და მკაფიოდ.

  უცხ.ს.V.21. მოსწავლე იჩენს ინტერესს და ავლენს ტოლერანტულ დამოკიდებულებას კულტურის თავისებურებების მიმართ.

 შედეგი თვალსაჩინოა, თუ მოსწავლე:

·          ამოიცნობს ტექსტში ასახულ სოციოკულტურულ გარემოს და ავლებს პარალელს მშობლიურ სოციოკულტურულ გარემოსთან (აღმსარებლობა, ცხოვრების წესი, დღესასწაულები, ზნე-ჩვეულებები, ქვეყნის ადმინისტრაციული მოწყობა, ისტორიული ეპოქის თავისებურებები და სხვა);

·          ამოიცნობს ილუსტრაციებში/ ტექსტებში ასახულ კულტურის, საყოფაცხოვრებო რეალიებს;

·          ავლებს პარალელს უცხოურ და მშობლიურ კულტურებს შორის, პოულობს მსგავსებებს, განსხვავებებს;

·          კორექტულად გამოთქვამს საკუთარ აზრს, შეხედულებას, დამოკიდებულებას კულტურათა თავისებურებებზე მსჯელობისას;

·          იჩენს ინტერესს ადამიანთა განცდების, დამოკიდებულების მიმართ;

·          ავლებს პარალელებს, პოულობს და აღნიშნავს ანალოგიებს, განსხვავებებს საკუთარ და სხვათა სულიერ სამყაროებს შორის (განცდები, განწყობილებები, დამოკიდებულებები);

·         ამოიცნობს ანდაზების, ფრაზეოლოგიზმების მნიშვნელობას და პოულობს მათ შესატყვისს მშობლიურ ენაში.

სამუშაო განრიგი:

ა) შეხვედრის რაოდენობა:   15 შეხვედრა (კვირაში ერთხელ) ;

ბ) შეხვედრის დღე და დრო:  ოთხშაბათი; 14¹⁵ სთ.

გ) შეხვედრის ხანგრძლივობა: 45 წთ.

                                          წ რ ი ს    ს ა მ უ შ ა ო    გ ე გ მ ა

დამატებითი ინფორმაციისათვის მიმართეთ სკოლის ადმინისტრაციას.