პრეზენტაცია თემაზე ,,სიმეტრია ჩვენს გარშემო“ (მასწ.: დინარა დვალიშვილი)
მოსწავლეებმა წარმოადგინეს ღერძული და ცენტრული სიმეტრია საკოორდინატო სიბრტყეში, ბრტყელ ფიგურებში: წრფე, მონაკვეთი, წრე, კვადრატი, მართკუთხედი, რომბი, წესიერი მრავალკუთხედები და ა. შ.
შეძლეს საინტერესოდ წარმოეჩინათ სიმეტრია არქიტექტურაში, ლოგოებში, სახელმწიფო დროშებში, ფერწერაში, მცენარეებში, სიტყვებში, მრავალნიშნა რიცხვების ნამრავლში, საყოფაცხოვრებო საგნებში, ადამიანის აგებულებაში, ცოცხალ ორგანიზმებში და ა. შ.
მესამე კლასის მოსწავლეებმა პირველკლასელებისათვის იაკობ გოგებაშვილის იუბილესთან დაკავშირებით ძალიან საინტერესო და სასიამოვნო შეხვედრა მოაწყვეს. წაუკითხეს პატარა მოთხრობები, გააცნეს მწერლის ბიოგრაფია, გაითამაშეს ზოგიერთი ეპიზოდები, მიუსადაგეს ანდაზები, აუხსნეს გაუგებარი სიტყვები, ერთად უმღერეს ანბანს. მოსწავლეებმა თავი წარმოაჩინეს როგორც უფროსი მეგობრები და მასწავლებლები. ეს აქტივობა დაეხმარებათ მათ ლიდერობის, კომუნიკაციის და პატარებზე ზრუნვის განვითარებაში, მადლობა ყველა მოსწავლეს.
პირველკლასელებისთვის ეს აქტივობა დარჩება, როგორც პირველი სასიამოვნო შეხვედრა ქართულ ლიტერატურასთან (მასწ.: მარიამ კუბლაშვილი)
2025 წლის 27 ოქტომბერს, IV კლასის მოსწავლეებმა გახსნეს იაკობ გოგებაშვილის დაბადების დღისადმი მიძღვნილი კვირეული (დამრ.: ლია კუკავა), რომელიც 31 ოქტომბრამდე გასტანს და მონაწილეობას მიიღებენ დაწყებითი კლასების მოსწავლეები. კვირეულის ფარგლებში დაგეგმილია სხვადასხვა საინტერესო აქტივობები, რომლებიც უკავშირდება ი. გოგებაშვილის ცხოვრებასა და შემოქმედებას.
იაკობ გოგებაშვილის დაბადების დღისადმი მიძღვნილი კვირეულის ფარგლებში, II კლასის მოსწავლეებმა დავამზადეს წიგნები, რომლებიც საკუთარი ხელით გააფორმეს ნახატებით და ჩაწერეს გოგებაშვილის მინიატურული მოთხრობა "ზარმაცი და ბეჯითი" (დამრ.: ლალი ჯოხაძე). ასევე ისაუბრეს ი. გოგებაშვილზე, როგორც დედა ენის შემქმნელზე, გაიხსენეს და წარმოთქვეს ლექსები.
