რუსული ენის შემსწავლელი უფასო წრე (III კლ)

2019 წლის 16 სექტემბრიდან სკოლა „ივერონი“ გთავაზობთ  რუსული ენის შემსწავლელ უფასო  წრეს III კლასის მოსწავლეთათვის. წრის  ხელმძღვანელია ქ-ნი მარეხი კორსაველი.

სამუშაო განრიგი:

შეხვედრის რაოდენობა -  15 შეხვედრა;

შეხვედრის დღე, დრო, ადგილი - ხუთშაბათი - 15:30 სთ-ზე; საკლასო ოთახი  და სკოლის ბიბლიოთეკა;

შეხვედრის ხანგრძლივობა: 45 წთ

მისია:

 მოსწავლეთა საჭიროებებისა და მშობელთა ინტერესების გათვალისწინებით,                                                              ჰარმონიულად განვითარებული და კეთილშობილი პიროვნების აღზრდა.

მიზანი: 

      *     მოსწავლეთა ცოდნის გაღრმავება ესგ-ს მოთხოვნების მიხედვით.

•         მოსწავლეების სასწავლო და შემოქმედებითი უნარების  განვითარება;

•         რუსული ენისადმი, როგორც სასწავლო საგნისადმი ინტერესის გაღვივება, თვალსაწიერის გაფართოება;

•         მოსმენისა  და ეფექტური კომუნიკაციის უნარების განვითარება;

•         კრიტიკული აზროვნების განვითარება

შედეგები: 

•          წრის მუშაობა ხელს შეუწყობს  მოსწავლეთა ორგანიზაციული  მუშაობის, მოსმენის, ელემენტარული კომუნიკაციის, შემოქმედებითი  უნარების განვითარებას;

•         მოსწავლეები უფრო მეტი ინტერესით  შეისწავლიან რუსულ ენას, გაიღრმავებენ

             ცოდნას, დაინტერესდებიან რუსული ლიტერატურით;

•         მოსწავლეები  გაიუმჯობესებენ  მეტყველების კულტურასა და კრიტიკული  აზროვნების უნარს;

•         რუსული ენისადმი  სიყვარული  ხელს შეუწყობს  მათ ინტერკულტურულ განვითარებას  და ტოლერანტ  პიროვნებად  ჩამოყალიბებას:

•         შემატებს მოსწავლეებს  თვითშეფასებისა  და  თავდაჯერებულობის  უნარს,

              პასუხისმგებლობის  გრძნობას;

•         საკვლევაძიებო  მუშაობისა და ღონისძიებების დაგეგმვა - წარმართვას

•         მოსწავლეები გაიმდიდრებენ ლექსიკურ მარაგს.

წრის დახასიათება

წრე არის გაკვეთილის გაგრძელება, რომელიც მიზნად ისახავს რუსული ენისადმი, როგორც სასწავლო საგნისადმი, მოსწავლეების ინტერესის გაღვივებას, ავთენტური ტექსტის მოსმენა-გაანალიზების ( რომელიც პრიორიტეტულია სწავლების ამ ეტაპზე),  ანალიტიკური უნარის,  გონებრივი და ფსიქო-ემოციური პოტენციალის, თანამშრომლობითი და შემოქმედებითი უნარების განვითარებას. ლექსიკური მარაგის თავისუფლად გამოყენებას კომუნიკაციის დროს, წარმოთქმის ნორმების  დახვეწას  უშუალოდ რუსული  ენის შესწავლას.

სასწავლო ამოცანები:                                                                                                                                          რუსული ენისადმი სწავლის ინტერესისა და მოტივაციის გაზრდა;                                            ლექსიკური მარაგის გამდიდრება; წიგნთან ურთიერთობის კულტურის გამომუშავება;                                                   

მოსწავლეებში მრავალმხრივი ინტერესების, აზროვნების ფორმირება და განვითარება;                                                                                                               აზროვნების განვითარება;  წიგნთან მუშაობისას ინდივიდუალური და  ჯგუფური საქმიანობის ორგანიზაციის სწავლა.

მოსწავლეთა ინტერესი გამყარებულია გაკვეთილში  შემოქმედებითი  ელემენტის შეტანით: კროსვორდების, რებუსების შედგენა. თითოეულ გაკვეთილში დაცულია სამი ნაწილი:                                 1.სათამაშო, 2.თეორიული, 3.პრაქტიკული.                                                                                                          

წრის მნიშვნელობა და აქტუალურობა

   უცხოური ენის შესწავლა ემსახურება საქართველოში სასკოლო განათლების მთავარი მიზნის განხორციელებას - თავისუფალი პიროვნების აღზრდას, რომელიც შეძლებს თავისი წვლილის შეტანას სამოქალაქო საზოგადოების ჩამოყალიბებასა და განვითარებაში. უცხოური ენის ცოდნა ადამიანის კონკურენტუნარიანობის მთავარ ფასეულობადაა მიჩნეული. ამიტომ, რამდენიმე უცხოური ენის სწავლება სკოლაში ევროპის საგანმანათლებლო სისტემის სტრატეგიულ პრიორიტეტს წარმოადგენს. სკოლა უცხოური ენის ათვისების მთავარი წყაროა. ის მნიშვნელოვან როლს ასრულებს მოსწავლეებში ენობრივ-საკომუნიკაციო უნარების განვითარებაში. შესაბამისად, სკოლაში აუცილებლად უნდა შეიქმნას უცხოური ენების დაუფლებისათვის საჭირო გარემო. ,,რამდენი ენაც იცი, იმდენი ადამიანი ხარო’’, მხოლოდ ეს გამონათქვამი გამოდგებოდა რუსული ენის შესწავლის აუცილებლობის დასასაბუთებლად. თუმცა, რუსული ენის საფუძვლიანი შესწავლის აუცილებლობას სხვა მრავალი ფაქტორიც განაპირობებს.  შესაძლებელია, ქართველთა გარკვეული ნაწილისათვის რუსული ენა დიდ სამყაროში გასასვლელი საშუალება გახდეს. მაგალითად, რუსული თარგმანების საშუალებით ეცნობიან და გაიცნობენ მსოფლიო ინფორმაციის უზარმაზარ ნაკადს, მსოფლიო ლიტერატურას, რუსული კლასიკოსების შემოქმედებას და სხვა. რუსული ენის შესწავლის აუცილებლობას განაპირობებს საქართველოს მდებარეობა ისეთ რეგიონში, სადაც მცხოვრები ხალხთა ურთიერთობის საშუალებად, სწორედ რომ, რუსული ენა რჩება. რუსული ენა  მნიშვნელოვანია საერთაშორისო სფეროში და სამომავლოდ რუსული ენის ცოდნით მოსწავლეებს ექნებათ დასაქმების უკეთესი პერსპექტივები, კომუნიკაციისა და მოგზაურობის შესაძლებლობები. ტრადიციულად, საქართველოში რამდენიმე ენაზე საუბრობენ და ამ ენების შენარჩუნება მნიშვნელოვანია. სწორედ ამიტომ, ეროვნული სასწავლო გეგმა ითვალისწინებს რა საქართველოს სახელმწიფოს ზრუნვას უმცირესობათა ენების შენარჩუნების კუთხით, უზრუნველყოფს ამ ენებზე ან ამ ენების სწავლებას.  ამიტომაც რუსული ენისადმი, როგორც სასწავლო საგნისადმი, მოსწავლეების ინტერესის გაღვივება მეტად მნიშვნელოვანია. საწრეო მუშაობა ემსახურება, სწორედ, რუსული ენისადმი ინტერესის ზრდას. წრე არის გაკვეთილის გაგრძელება, სადაც ავთენტური ტექსტის მოსმენა - გაანალიზების     (რომელიც პრიორიტეტულია სწავლების ამ ეტაპზე) საფუძველზე ხელი ეწყობა  გონებრივი და  ფსიქო-ემოციური პოტენციალის, ანალიტიკური, თანამშრომლობითი და შემოქმედებითი უნარების განვითარებას. ასევე ლექსიკური მარაგის თავისუფლად გამოყენებას კომუნიკაციის დროს, წარმოთქმის ნორმების  დახვეწას და საბოლოოდ რუსული  ენის შესწავლას.

მოსალოდნელი შედეგები

მიმართულება1. ზეპირი მეტყველება(მოსმენა/ მოსმენა-ყურება და ლაპარაკი)

 უცხ.დაწყ. (1) 1. მოსწავლე:

Ø  ამოიცნობს თემას(პერსონაჟებს, თანამოსაუბრეებს, მოვლენებს და სხვა,მოსმენისას/ მოსმენა-ყურებისას

Ø  ამოკრებს ფაქტობრივ ინფორმაციას(ვინ, სად,როდის, რამდენი, რომელი, როგორი და სხვა) ტექსტიდან;

Ø  მოსმენისას ამოიცნობს ინტონაციით გამოხატულ ემოციებს (სიხარულს, გაკვირვებას,გაბრაზებას და სხვა);

უცხ.დაწყ. (I) 2. . მოსწავლემ უნდა შეძლოს სიტყვების, წინადადებებისა და ტექსტების გარკვევით და შესაბამისი ინტონაციისა და მახვილების დაცვით წარმოთქმა.მოსწავლე:

  სწორად და გარკვევით წარმოთქვამს სიტყვებსა და ფრაზებს;

  ადეკვატურად უსადაგებს არავერბალურ მეტყველებას ტექსტების შინაარსს;

  იცავს შესაბამის ინტონაციებს, მახვილებს, რიტმულ სეგმენტებს ტექსტის წარმოთქმისას.

 უცხ.დაწყ.(I) 3. მოსწავლემ უნდა შეძლოს თემატიკაზე მარტივი ენით ინტერაქცია და რამდენიმე წინადადებიანი მონოლოგის წარმოთქმა.მოსწავლე:

  სვამს/პასუხობს მარტივ კითხვებს ნაცნობი თემების გარშემო;

  გადმოსცემს სათქმელს უცხოურ ენაზე წარმოქმნილ პრობლემებთან დაკავშირებით;

  საუბრობს ნაცნობ თემებზე;

  შეარჩევს საკომუნიკაციო სიტუაციის შესატყვისი მიმართვის თავაზიან და ფამილარულ ფორმებს, გამოთქმებს,კლიშეებს, ენობრივ კონსტრუქციებს ინტერაქციისას;

  სათანადოდ იყენებს ნასწავლ ერთეულებს.

უცხ.დაწყ .( I) 4. მოსწავლემ უნდა შეძლოს ზეპირი მეტყველების სტრატეგიების გამოყენება მიზნის მისაღწევად.

მოსწავლე:

  იშველიებს არავერბალურ ელემენტებს(ხმის ტემბრს, ინტონაციას, მიმიკას, ჟესტიკულაციას, სხვადასხვა ტიპის ხმაურს, ლოგიკურ მახვილებს) ცოცხალი მეტყველების ჩანაწერის გასაგებად;

  ამოიცნობს უცნობი სიტყვების, გამოთქმების წინადადებების მნიშვნელობას ნაცნობ ელემენტებზე დაყრდნობით(ინტონაცია, ილუსტრაცია და სხვა) დამოუკიდებლად;

  გაუგებრობის შემთხვევაში ითხოვს განმარტებას.

  აღმოაჩენს და ასწორებს საკუთარ/სხვის შეცდომებს ზეპირი მეტყველების დროს.

უცხ.დაწყ .( I).9. მოსწავლემ უნდა შეძლოს საკუთარი და უცხო კულტურის რეალიების ამოცნობა და სოციოკულტურული კონტექსტების შედარება.მოსწავლე:

  ამოიცნობს უცხო კულტურისთვის დამახასიათებელ ქცევის ეტიკეტს და სიმულაციური სიტუაციების გათამაშებისას იცავს უცხოური სოციოკულტურული გარემოსთვის დამახასიათებელ ნორმებს;

  კონკრეტულად გამოთქვამს საკუთარ აზრს, შეხედულებას, დამოკიდებულებას კულტურათა თავისებურებებზე მსჯელობისას.

                              რუსული ენის შემსწავლელი უფასო წრის  სამუშაო გეგმა                                                         

სასწავლო წელი: 2019-2020 სასწ. წლის I სემესტრი

             გამოყენებული ლიტერატურა: К.Чуковский „Стихи для детей“  Русские сказки.

                                         В.Волина „Весёлая грамматика“

დამატებითი ინფორმაციისათვის მიმართეთ სკოლის ადმინისტრაციას.