მიმდინარე წლის 11 ივნისს შედგა  ჩვენი სკოლის X ა კლასის მოსწავლეების ვიზიტი მასწავლებელთა პროფესიული განვითარების ეროვნული ცენტრის  STEAM კლუბ    „ჩხირკედელაში“,  რომელსაც ხელმძღვანელობს მასწავლებელთა სახლის საბუნებისმეტყველო ლაბორატორიის გამგე, ექსპერტი,  საქ.უნივერსტიტეტის მეცნიერებისა და ტექნოლოგიების ელექტრონიკის ლაბორატორიის IDEALAB -ის ხელმძღვანელი,  ბირთვული კვლევების ევროპული ორგანიზაციის (CERN) ATLAS- ის ექსპერიმენტის კოლაბორაციის წევრი, პროფესორი ნუგზარ მოსულიშვილი.
ბატონმა ნუგზარმა ისაუბრა STEAM განათლების მნიშვნელობაზე - მიმდინარე და მომავალი პროექტების შესახებ, თუ რაოდენ დიდია ციფრული ტექნოლოგიების ინოვაციების როლი, საქართველოში მეცნიერების, ტექნოლოგიების,  სოფლის მეურნეობისა და გარემოსდაცვითი პრობლემების მოგვარებაში. ციფრული ტექნოლოგიების გამოყენებაზე ფიზიკის კეთებით სწავლების პროცესში.
მოსწავლეები დიდი ინტერესით გაეცნენ მათი თანატოლების მიერ შექმნილ სხვადასხვა მოდელებს.  მონაწილეობა მიიღეს  აქტივობებში,  მათ ბ-ნ ნუგზარის მხარდაჭერით, კომპიუტერული პლატფორმა მიკროკონტროლერ Arduino- ს გამოყენებით, შექმნეს პროექტები, როგორიცაა, შუქნიშანი, ხმაზე მორეაგირე ნათურა, RGB ნათურის კონტროლი მექანიკურად და ავტომატურად.

ჩვენი სკოლის VIII, X, XI კლასის მოსწავლეებმა მონაწილეობა მიიღეს საქართველოს ბანკისა და კომაროვის სკოლის მიერ ორგანიზებულ საგანმანათლებლო პროექტში -
STEM ოლიმპიადაში, რომელიც ჩატარდა   19.01.2024წ-ს  საქართველოს ეროვნულ უნივერსიტეტში.  
ოლიმპიადაში მონაწილეობდა 200 - მდე სკოლა,  წარმოდგენილი  თითო გუნდით,  6 მოსწავლის მონაწილეობით.
ჩვენი სკოლის გუნდის ღირსებას იცავდნენ მოსწავლეები:  თიკა ბიწაძე (VIII კლ),   ქეთი გობრონიძე (Xა კლ) , ლუკა ბურჯალიანი (Xა კლ),  ნიკოლოზ სოფრომაძე (Xა კლ), სანდრო გურგენიძე (Xბ კლ),  საბა ლორთქიფანიძე (XI კლ).  
გუნდს ხელმძღვანელობდა მენტორი /ფიზიკის მასწ.: მაია გოგაძე/
გუნდის წევრებს ჩაუტარდათ ტესტი სამ საგანში: ფიზიკა, მათემატიკა და ინფორმატიკა. თითოეულ საგანში ცოდნას ადასტურებდა სკოლის გუნდის შესაბამისი წევრი;
გუნდის ექვსივე წევრი დაჯილდოვდა  საჩუქრებითა და სერტიფიკატებით.