სასკოლო  ღონისძიების ფარგლებში სახელწოდებით - „იზრუნე ჯანმრთელობაზე და გაიხანგრძლივე სიცოცხლე“,   მე და საზოგადოებაში  III  კლასის  მოსწავლეებმა საგნის მასწავლებელთან ერთად (ე. ბუცხრიკიძე),  განვიხილეს   ჯანსაღი ცხოვრების  წესები, ისაუბრეს   მათი  დაცვის   მნიშვნელობაზე,  იხილეს ანიმაციური ფილმი “ჯანსაღი  ცხოვრების წესები“.  ამის  შემდეგ თითოეულმა   მათგანმა  ისაუბრა   როგორ ზრუნავს თავის  ჯანმრთელობაზე, სპორტის  რომელი სახეობით არის  დაკავებული, ან აპირებს  უახლოეს  მომავალში  დაკავდეს სპორტით, როგორი სახის  საკვების  ხშირად  მიღებას ერიდება და ა.შ.

მზის ქვეშ უსასრულობამდე გაწოლილი, ოქროსფერგადაკრული ზვრები, მწიფე ყურძნის სურნელი, ქვევრი და ქვევრიდან ახლადამოღებული გრილი ღვინის დამათრობელი არომატი… ეს ყველაფერი ქართული კულტურის განუყოფელი ნაწილია. აქ ვაზთან ურთიერთობისა და ღვინის დაყენების უდიდესი ისტორიაა.

ჩვენი ქვეყნისთვის ერთ-ერთი მნიშვნელოვანი ტრადიცია სტუმარ-მასპინძლობაა, რომელიც ღვინის გარეშე წარმოუდგენელია. ვაზს ოდითგანვე საკრალური მნიშვნელობა ჰქონდა ქართველებისთვის. ის სიცოცხლის, ნოყოფიერების სიმბოლოა. ვაზის დეკორატიულმა ელემენტმა ფართოდ ჰპოვა ასახვა საქართველოს ტაძართა ფასადებზე. არქეოლოგიურმა  აღმოჩენებმა დაადასტურეს, რომ ადამიანისა და ვაზის ურთიერთობა ძვ.წ. VI ათასწლეულიდან დაიწყო და რომ საქართველოს ტერიტორიაზე არამხოლოდ პირველი კულტურული ვაზი გვხვდება, არამედ ღვინის პირველი ნაშთებიც.

 აღსანიშნავია ქვევრის ღვინის დაყენების ქართული ტრადიციული მეთოდი, რომელსაც 2013 წელს იუნესკოს (UNESCO) არამატერიალური კულტურული მემკვიდრეობის ძეგლის სტატუსი მიენიჭა.

აღნიშნულ  თემასთან  დაკავშირებით, მოგზაურთა კლუბის  წევრმა IX კლასის  მოსწავლეებმა ნახეს დოკუმენტური ფილმები: “ -საქართველო ღვინის  სამშობლო” ქართული დოკუმენტალისტიკა - "ვაზში დაკარგულები”.

17 მარტიდან ხელოვნების კლუბში  მოსწავლეთა ყურადღება მიპყრობილია კინომცოდნე გიორგი რაზმაძის ინტერაქციული შეხვედრების მიმართ.

ბატონი გიორგი არის – ხელოვნებათმცოდნეობის დოქტორი, საქართველოს კინემატოგრაფიის ეროვნული ცენტრის ჟურნალ „კინ-O-ს“ ყოფილი მთავარი რედაქტორია. წინა წლებში იყო კინოჟურნალ „ფილმპრინტის“ მოწვეული მთავარი რედაქტორი. გიორგი რაზმაძე აქტიური კინომცოდნეა, წერს რამდენიმე გამოცემისთვის. ძირითადი საქმიანობა კი კინოს თეორიისა და ისტორიის კვლევაა ავანგარდის, ექსპერიმენტული კინოსა და ახალი მედიების მიმართულებით. აქტიურად მონაწილეობს ადგილობრივ და საზღვარგარეთ გამართულ სამეცნიერო კონფერენციებში.

სხვადასხვა დროს იყო რამდენიმე ფესტივალის ჟიურის წევრი, პრემია „წინანდლის“ შესარჩევი კომისიის წევრი, კინოცენტრის საგანმანათლებლო პროგრამის კინოგანათლების ექსპერტი, აგრეთვე კინოცენტრის ქართულ კინოზე გამოცემული წიგნების მუდმივი ავტორი და სხვ. გიორგი რაზმაძე ამჟამად იკავებს მკვლევრის თანამდებობას საქართველოს შოთა რუსთაველის თეატრისა და კინოს სახელმწიფო უნივერსიტეტის დიმიტრი ჯანელიძის სახელობის სამეცნიერო-კვლევით ინსტიტუტში, აგრეთვე ამავე უნივერისტეტის მოწვეული ლექტორია.

საკლუბო შეხვედრები გულისხმობს ღონისძიებათა სერიას, რომლებზეც ნაჩვენები იქნება კინოს კლასიკური და თანამედროვე გამორჩეული ფილმები. კლუბის წევრები მოისმენენ მოკლე ლექციებს ამა თუ იმ რეჟისორზე, ეტაპზე, მიმდინარეობაზე და ა.შ., ასევე ისტორიულ და სახელოვნებო კონტექსტზე. ჩვენების შემდეგ კი მოეწყობა დისკუსია.

შერჩეული ფილმების მთავარი კრიტერიუმია მხატვრული და ისტორიული ღირებულება. მოსწავლეები გაეცნობიან როგორც კინოს ისტორიის მნიშვნელოვან ეტაპებს, ასევე ეზიარებიან აუდიო-ვიზუალური ხელოვნების მხატვრული მხარის ნიუანსებს. მოსწავლეები უფრო მეტ ინფორმაციას მიიღებენ კინოში მონტაჟის, ხმის, გადაღების სპეციფიკისა და სხვა დეტალების შესახებ.