2024 წლის 11 ოქტომბერს, სადამრიგებლო საათის ფარგლებში,  VIII კლასის მოსწავლეები იმყოფებოდნენ დიდუბის საგამოფენო სივრცეში -  "მხატვრული რეწვის და დიზაინის თბილისის V საერთაშორისო სამიტზე" - ეთნოფესტი 2024" (ორგანიზატორი: ხელოვნების საერთაშორისო ცენტრი -  @tbilisiethnofest -ის გვერდს და ასეც #ETHNOFEST2024

სადაც ჩარდა ეთნოგრაფიული მასტერკლასები სხვადასხვა საინტერესო თემებზე. მასტერკლასებს ატარებდა 150-ზე მეტი ქართველი და უცხოელი (აზერბაიჯანელი, ბრაზილიელი, ჩეხი, დიდ ბრიტანელი, ყაზახი) დიზაინერი და ოსტატი, რომლებიც მნახველებს აცნობდნენ თავიანთ შემოქმედებას, მასთან დაკავშირებულ ისტორიულ წყაროებს და უმხელდნენ შემოქმედებით „საიდუმლოებებს“.

სკოლა „ივერონის“ მოსწავლეები ეთნოფესტზე მიიწვია ქ-ნმა თეა გოცირიძემ,  რომელიც გახლავთ საერთაშორისო ცენტრის პროექტების კოორდინატორი.

მრავალფეროვანი თემატიკიდან VIII კლასის მოსწავლეებმა არჩევანი გააკეთეს და ესწრებოდნენ ბრაზილიური სამკაულების შექმნის ხელოვნების მასტერკლასს სახელწოდებით: „შექმენი სამკაული ბრაზილიური ოქროს ბალახილაგან“, რომელიც ჩაატარა ბრაზილიელმა ოსტატმა ქ-ნმა ფაბიანა ბაზერამ. მან დამსწრეებს დაწვრილებით აუხსნა  ეროვნული სამკაულების შექმნასთან დაკავშირებით არსებული ყველა დატალი.

მოსწავლეებმა ასევე დაათვალიერეს გამოფენაზე წარმოდგენელი სხვადასხვა ქვეყნის ხალხური შემოქმედების მრავალფეროვანი ნაკეთობები.

ეს იყო ძალიან საინტერესო და სასარგებლო ვიზიტი ჩვენი მოსწავლეებისათვის.

როგორც წესი, დაწყებითი კლასების მოსწავლეები აქტიურად ერთვებიან სხვადასხვა საგნობრივ ოლიმპიადებში და მნიშვნელოვან წარმატებებსაც აღწევენ ამ მხრივ. ამჯერად წარმოგიდგენთ იმ მოსწავლეებს, რომლებიც გასულ სასწავლო წელს მონაწილეობდნენ  KINGS-ისა და „ევერესტის“  ოლიმპიადებში. ესენი არიან:

1.    ანასოფია გულედანი  (III კლ) - სერთიფიკატი - კინგსის მათემატიკის ოლიმპიადის 2024 წლის გაზაფხულის სეზონის გამარჯვებული მონაწილე

2.      ელენე ფილფანი  (III კლ) -  სერთიფიკატი - კინგსის მათემატიკის ოლიმპიადის 2024 წლის გაზაფხულის სეზონის გამარჯვებული მონაწილე

3.      დავიდ ოთხოზორია (IV კლ) -  სერთიფიკატი - კინგსის ქართული ენის ოლიმპიადის 2024 წლის გაზაფხულის სეზონის გამარჯვებული მონაწილე

V ბ კლასის მოსწავლეები წიგნის მოყვარულთა კლუბის ნორჩი წარმომადგენლები არიან. მათთან საუბარი შედგა ნოდარ დუმბაძის ბიოგრაფიისა და ნაწარმოებების შესახებ. მიუხედავად პატარა ასაკისა, მათი ნაწილი კარგად იცნობს დუმბაძის მოთხრობებს.  მოსწავლეებმა იხილეს ქართული ფილმი - „მე, ბებია, ილიკო და ილარიონი“ (რეჟ.: თ. აბულაძე) და მოხდა მისი შედარებითი ანალიზი ლიტერატურულ პირველწყაროსთან.