2022 წლის 28 აპრილს – XI კლასის მოსწავლეებმა  ფიზიკაში  განიხილეს თემა სახელწოდებით: „ ფიზიკა და ეკოლოგია“.   პროექტი   შემეცნებითი ხასიათის იყო. მათ საშუალება  ჰქონდათ უფრო მეტი გაეგოთ დედამიწის (ჩვენი პლანეტის) ეკოლოგიური პრობლემების შესახებ.   მოსწავლეებმა  ისაუბრეს ამ მეტად მნიშვნელოვან პრობლემებზე, მათ შედეგებსა და გადაჭრის გზებზე.    /მასწ.: მ. გოგაძე/

VIII კლასის მოსწავლეებმა განახორციელეს კომპლექსური დავალება ფიზიკაში  ,,იგლუ".
თემა: სითბური მოვლენები;

დავალების ფარგლებში დამუშავდა  შემდეგი  ცნებები:

მატერია (სითბური გაფართოება, თბოგამტარობა), სტრუქტურა, ენერგი (კონვექცია, გამოსხივება) ურთიერთქმედება, კვლევის მეთოდი (ცდა, ექსპერიმენტი) და ა. შ.
კომპლექსური დავალების განხორციელების პროცესში მოსწავლეები აქტიურად იყვნენ ჩართულნი, თემასთან დაკავშირებით მათ  მოიძიეს სხვადასხვა საინტერესო ინფორმაცია, წარმოადგინეს ფოტომასალა, შექმნეს მოდელები, გააკეთეს ანალიზი და წარმოადგინებს საინტერესო პრეზენტაციები.

მოსწავლეებმა გაკვეთილის ბოლოს ისაუბრეს კომპლექსური დავალების მეთოდით სწავლების უპირატესობასა და დავალების განხორციელების პროცესში შეძენილ ცოდნა-გამოცდილებაზე.

მოსწავლეებმა პასუხი გასცეს საკვანძო შეკითხვებს:  როგორ შეიძლება სხეულის ტემპერატურის შეცვლა? რატომ ვრცელდება სითბო განსხვავებულად სხვადასხვა ნივთიერებაში? და სხვა

გაკვეთილის კომპლ. დავალების პრეზენტაციამ დაგვანახა შედეგი (ინდიკატორები): სითბოს გადაცემის სახეების დახასიათება და მათ თავისებურებებზე არგუმენტირებული მსჯელობა (ფიზ. საბ. 1, 2, 3)   /მასწ.: მ. გოგაძე/

სასკოლო პროექტის - "ეკოლოგიური პრობლემები" - ფარგლებში აქტიურად ჩართულ I-XI კლასებს გადაეცათ წამახალისებელი სიგელები. სკოლის დირექცია მადლობას უხდის თითოეულ მოსწავლეს და შესაბამისი საგნების მასწავლებლებს პროექტში ჩართულობისათვის!

„გაუფრთხილდი დედამიწას!“  - ასფალტზე ხატვა     (I-IV კლ)

სიგელების გადაცემა

/სკოლის დირექცია/

 

2022 წლის  26 აპრილს სკოლა  „ივერონში“ დასრულდა დედამიწის საეთაშორისო დღისადმი მიძღვნილი სასკოლო პროექტის კვირეული  სახელწოდებით -  „ეკოლოგიური პრობლემები“.

კვირეულის ფარგლებში სკოლაში ჩატარდა  18 აქტივობა შემდეგ საგნებში: ქართული ენა და ლიტერატურა, მათემატიკა, ბუნებისმეტყველება,  რუსული ენა, ისტორია, გეოგრაფია, მე და საზოგადოება, მოქალაქეობა/სამოქალაქო განათლება, ქიმია, სახვითი და გამოყენებითი ხელოვნება. მონაწილეობა მიიღეს I-XI კლასების მოსწავლეებმა.

ყველა კლასი და ყველა მოსწავლე დიდი პასუხისმგებლობით მოეკიდა  პროექტზე მუშაობას. მათ  ყველაფერი გააკეთეს იმისათვის, რომ ეკოლოგიური პრობლემები ნათლად წარმოეჩინათ და გაეცნობიერებინათ. მოსწავლეებს რა თქმა უნდა გვერდში ედგნენ საგნის მასწავლებლები.

სკოლა „ივერონი“ მადლობას უხდის ყველა მოსწავლეს, მასწავლებელსა  და სკოლის დირექციას გაწეული საქმიანობისათვის, დახმარებისათვის და რაც მთავარია, იმ პრობლემის შეხსენებისათვის. რასაც ეკოლოგიური პრობლემა ჰქვია. 

სასკოლო პროექტს „ეკოლოგიური პრობლემები“  რა თქმა უნდა უკვალოდ არ ჩაუვლია. განსაკუთრებით დასაფასებელია ის, რომ   ჩვენმა მოსწავლეებმა შეაგროვეს 300 კგ-მდე მაკულატურა და მისი ჩაბარებით მიღებული წიგნები საჩუქრად გადასცეს სკოლის ბიბლიოთეკას, ხოლო პროექტის დასკვნითი ღონისძიების ფარგლებში,  მოსწავლეებმა და მასწავლებლებმა    ყვავილებით  გაალამაზეს სკოლის ეზო. 

დაწყებითი კლასების მოსწავლეებმა კი თავისი ნამუშევრებით კიდევ ერთხელ  შეგვახსენეს, რომ დედამიწას გაფრთხილება უნდა!