1.  ხელოვნების მოყვარულთა კლუბში 3 და 4 თებერვალს შეიკრიბნენ V-VII კლ მოსწავლეები. მათ ამჯერად იხილეს დოკუმენტური ფილმი „პატარა მაწანწალას დაბადება“ ყველასათვის საყვარელი ბრიტანელი კომიკოსი კინომსახიობის  - ჩარლი ჩაპლინის შესახებ, რომელიც ასევე იყო რეჟისორი, პროდიუსერი, სცენარის ავტორი, მუსიკოსი და კომპოზიტორი.  ფილმის ნახვის შემდეგ მოსწავლეებმა ისაუბრეს ჩაპლინის ცხოვრებიდან მათთვის დასამახსოვრებელ და შთამბეჭდავ ეპიზოდებზე. მათი საბოლოო  მოსაზრება იყოს ის, რომ ადამიანის წარმატებული მომავალი მის ხელშია. ის ბევრადაა დამოკიდებული იმაზე, თუ რამდენად მიზანსწრაფული, მშომისმოყვარე და თავდაჯერებული იქნება ის. დოკუმენტურ ფილმში ნაჩვენები იყო ფრაგმენტები ჩაპლინის ფილმებიდან. მათზე დაყრდნობით მოსწავლეებმა მუსიკის მასწავლებელთან ერთად (მ. ბექურიძე), ისაუბრეს ჩაპლინის, როგორც კომპოზიტორის მუსიკალური ენის მახასიათებლებზე და მუსიკის როლზე მუნჯ კინოში.

დოკუმენტერი ფილმის გარდა,  მოსწავლეებმა იხილეს ასევე ანიმაციური ფილმი, რომლის ერთ-ერთი პერსონაჟი არის ჩარლი ჩაპლინი, მისთვის დამახასიათებელი გარეგნობით, ქცევითა და თავგადასავლებით.

მოგზაურთა კლუბის წევრებმა იმოგზაურეს და მიმოიხილეს ოკეანეთი. მათ შორის ყურადღებით გაეცნენ იმ პრობლემებს, რაც  მარჯნის პოლიპების გაქრობას უქმნის საფრთხეს. ასევე საუბარი იყო იმ  ღონისძიებების შესახებ, რაც მისი გადავარჩენისთვისა არის აუცილებელი (მასწ.: ე. ბუცხრიკიძე)

უცხოური ენების კლუბში VIII კლასების  მოსწავლეებმა წიკითხეს და იმსჯელეს ცნობილი მწერლის შარლოტა ბრონტეს ნაწარმოების შესახებ  - „ჯეინ ეარი“ (ხელმძღ.: მ. დარჩაშვილი)

უცხოური ენების კლუბში  V კლასის მოსწავლეებმა წიკითხეს და იმსჯელეს ცნობილი მწერლის მარკ ტვენის ნაწარმოების შესახებ  - „ტომ სოიერის თავგადსავალი“ (ხელმძღ.: მ. დარჩაშვილი)

  დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ ჩატარდა კვლევა, რომელსაც ცენტრი ახორციელებს საქართველოს დევნილთა, შრომის, ჯანმრთელობისა და სოციალური დაცვისა და განათლებისა და მეცნიერების სამინისტროებთან თანამშრომლობით.
 
  კვლევის სახელწოდებაა „ალკოჰოლის, თამბაქოსა და სხვა ნარკოტიკის მოხმარების შემსწავლელი ევროპის სასკოლო კვლევა (ESPAD - European School Survey Project on Alcohol and Other Drugs)“.

  ზემოთ აღნიშნული კვლევა საქართველოში ტარდება მესამედ (ჩატარებულია 2015 და 2019 წლებში). მის მთავარ მიზანს წარმოადგენს ყოვლისმომცველი და შედარებადი მონაცემების შეგროვება საქართველოში, 2008 წელს დაბადებული სკოლის მოსწავლეების მიერ სხვადასხვა ფსიქოაქტიური  ნივთიერებების გამოყენების შესახებ.

 კვლევა ტარდება მთელი ქვეყნის მასშტაბით და მასში მონაწილეობა ნებაყოფლობითია. ჩვენი სკოლა ამ კვლევაში მონაწილეობის მისაღებად შეირჩა  შემთხვევითი  შერჩევის მეთოდით.