2022 წლის 07 აპრილს წიგნის მოყვარულთა კლუბში  სასაუბროდ შეიკრიბნენ  IV-V  კლასების მოსწავლეები. შეკრება დაგეგმეს X კლასის მოსწავლეებმა, წიგნის მოყვარულთა კლუბის წევრებმა - კატო მერკვილიშვილმა და ანა სარაჯიშვილმა. შეხვედრის მიზანი იყო - ჩვენი მოსწავლეები კიდევ ერთხელ  დაფიქრებულიყვნენ   წიგნის მნიშვნელობაზე.

ბავშვებმა გაიხსენეს თუ  რა ასაკიდან დაიწყე მათ წიგნთან ურთიერთობა, გაიხსენეს მათი საყვარელი ნაწარმოებები, პერსონაჟები  და  ის წიგნები, რასაც   ამჟამად კითხულობენ. ისაუბრეს იმაზე, თუ   რამდენად ანვითარებს კითხვა  მათ  აზროვნებას,   წარმოსახვას, ფანტაზიას, როგორ ასწავლის წიგნი ადამიანს მეგობრობას, სიკეთეს, სიყვარულს, ზრუნვას... ასწავლის სიკეთისა და ბოროტების, კარგისა და ცუდის  ერთმანეთისაგან გარჩევას... 

შეხვედრა საკმაოდ საინტერესოდ წარიმართა, თითოეული მოსწავლე მზად იყო დაუსრულებლად ესაუბრა ამ თემაზე.

2022 წლის 06  აპრილს  სამოქალაქო განათლების კლუბის წევრებმა   III, IV და V კლასების მოსწავლეები  მოიწვიეს    საკმაოდ  მნიშვნელოვან თემაზე სასაუბროდ -  უსაფრთხო გადაადგილება ქუჩაში.  უფროსკლასელები თავიანთ პატარა მეგობრებს ესაუბრნენ იმის შესახებ, თუ რამდენადაა  დაკავშირებული საგზაო ნიშნების  ცოდნა და ამ ცოდნის გამოყენება ჩვენს უსაფრთხო  გადაადგილებასთან.

დაისვა კითხვა -  რა უნდა ვიცოდეთ იმისათვის, რომ ქუჩაში უსაფრთხოდ ვიმოძრაოთ ტრანსპორტითაც და ფეხით სიარულის დროსაც?

რა არის ამის მიზეზი? ვინ არის დამნაშავე? -  მძღოლი თუ ქვეითად მოსიარულე?..

კლუბის წევრებმა დაწყებითი კლასების მოსწავლეებს აჩვენეს  რამდენიმე შემეცნებითი  ანიმაციური ფილმი საგზაო ნიშნებთან დაკავშირებით. პატარები საკმაოდ საინტერესოდ საუბრობდნენ ამ თემაზე. გამოთქვამდნენ თავიანთ მოსაზრებებს, იხსენებდნენ მათთვის ცნობილ სხვადასხვა შემთხვევებს, გამოთქვამდნენ თავიანთ მოსაზრებებს იმის შესახებ, თუ ვისი გაუფრთხილებლობით იყო გამოწველი კონკრეტული ავტოსაგზაო შემთხვევა.  

შეხვედრამ ცხადყო, რომ  სკოლის მოსწავლეები  ასაკის შესაბამისად, კარგად იცნობენ საგზაო ნიშნებს,    ყოველთვის ყურადღებით კვეთენ გზას  შუქნიშნისა და ზებრა გადასასვლელის დახმარებით.   

I კლასის მოსწავლეები დიდი ინტერესითა და მონდომებით შეისწავლიან ჭადრაკის საფუძვლებს.  ამაში მათ ეხმარებათ ჭადრაკის მასწავლებელი - საერთაშორისო და სა საქართველოს საჭადრაკო ტურნირებისა და ფესტივალების მრავალგზის გამარჯვებული და პრიზიორი, სპორტის ოსტატობის კანდიდატი  ბატონი  ზაზა ტორაძე.

სამოქალაქო განათლების კლუბის ფარგლებში X კლასის მოსწავლეებმა განიხილეს თემა, რომელიც ერთ-ერთი  მნიშვნელოვანია ადამიანის ცხოვრებაში. ესაა პროფესიის არჩევა. სამოქალაქო განათლების მასწავლებელთან და კლუბის ხელმძღვანელთან ქ-ნ ელისო ბუცხრიკიძესთან ერთად მოსწავლეებმა საინტერესო მოსაზრებები გამოთქვეს. კერძოდ, პროფესიის არჩევამ შეიძლება რადიკალურად შეცვალოს ადამიანის მომავალი, იყოს ბედნიერი, ან პირიქით, პროფესიიდან გამომდინარე, თავისი ადგილი ვერ იპოვოს ცხოვრებაში და ფსიქოლოგიური პრობლემები შეექმნა და მრავალი სხვა.

სკოლა „ივერონში“ წიგნის მოყვარულთა კლუბის მუშაობა გახსნეს V კლასის მოსწავლეებმა. კლუბის შეხვედრები ამ დრომდე ვერ მოხერხდა ობიექტური მიზეზების გამო. ესაა ყველასათვის ნაცნობი თემა - კოვიდპანდემია.

3 დეკემბერს სკოლა „ივერონის“ V. VI, VII  და  VIII კლასების მოსწავლეები იმყოფებოდნენ ჰოლოზეუმში ფოტო-გამოფენაზე, რომელიც ეძღვნებოდა შშმ პირების ცხოვრებასა და მათ პრობლემებს. ეს თემა მეტ-ნაკლებად ნაცნობი აღმოჩნდა ჩვენი მოსწავლეებისათვის. ამიტომ გამოფენის შემდეგ, მოსწავლეებმა გადაწყვიტეს ამ თემას დაბრუნებოდნენ სამოქალაქო განათლების კლუბის ფარგლებში.  

მოსწავლეებმა გაიხსენეს სხვადასხვა ისტორიები, რომლებთანაც მათ უშუალო შეხება ჰქონიათ. გაიხსენეს გამოფენაზე წარმოდგენილი პირები და მათი ისტორიები. უფროსკლასელებმა  საინტერესო რჩევები მისცეს უმცროს მეგობრებს, შესთავაზეს წასაკითხი წიგნები და ფილმები  შშმ პირების ცხოვრების შესახებ.

შეხვედრას ხელმძღვანელობდნენ - X კლასის მოსწავლეები:  სამოქალაქო კლუბის ერთ-ერთი ლიდერი  ნინო შარაძე და კლუბის წევრები - ირაკლი გურგენიძე და ელენე სარაჯიშვილი.

III და VI კლასის მოსწავლეები რუსული ენის შემსწავლელ უფასო წრის მეცადინეობებზე. წრის ხელმძღვანელია ქ-ნი მარეხი კორსაველი.