დაწყებითი კლასის მოსწავლეებმა, დედამიწის დღესთან დაკავშირებით, ჩაატარეს ღონისძიება სახელწოდებით  „დედამიწა ჩვენი სახლია!“. ღონისძიებაში მონაწილეობდნენ I-IV კლასის მოსავლეები. მოსწავლეებმა ღონისძიებაზე ისაუბრეს იმაზე, თუ როგორ უნდა ვიზრუნოთ დედამიწაზე და რას უნდა მივაქციოთ ყურადღება, რათა ჩვენი პლანეტა გადარჩეს. საკუთარი სიტყვებითა და მაგალითებით გვიჩვენეს, რომ ეკოლოგიური ცნობიერება ბავშვობიდან იწყება. მათ თავადვე ჩამოაყალიბეს პრაქტიკული რჩევები – როგორ შევამციროთ ნარჩენები, როგორ დავზოგოთ წყალი და ენერგია, რატომ არის მნიშვნელოვანი გადამუშავება და ბუნებრივი რესურსების გონივრული გამოყენება და ა.შ. ღონისძიება გაფორმებული იყო მათივე თემატური ნამუშევრებით.

1) ჩინური გამრავლების წესი;

2) ინტეგრირებული თემა ხელოვნებასთან - ,,კუბიზმი და გეომეტრია".

3) მათემატიკა ვეფხისტყაოსანში.

(მასწ.: დ. დვალიშვილი)

სკოლაში სტუმრად იმყოფებოდა საბავშვო თოჯინური თეატრი „აისი 90“ (ხელმძღ.: ქ. ზარიძე). ნაჩვენები იყო სპექტაკლი „რაც არ გერგება, არ შეგერგება“.

სადამრიგებლო საათის ფარგლებში VIII, IX და X კლასების დამრიგებელთა ინიციატივით, მოეწყო მოსწავლეთა მსვლელობა „ბარამბოს“ საწარმოში. აღნიშნული აქტივობა ითვალისწინებდა მოსწავლეთათვის სამეწარმეო საქმიანიბის გაცნობას და ამ მხრივ ცნობიერების ამაღლებას. ვიზიტი განხორციელდა ერთ-ერთი მშობლის ჩართულობითა და მისი დახმარებით.

საწარმო მოსწავლეებმა დიდი ინტერესით დაათვალიერეს. ჩვენმა მასპინძლებმა მოსწავლეების მიმართ გამოხატეს სითბო და კეთილდამოკიდებულება, პასუხი გასცეს მოსწავლეთა შეკითხვებს. სიურპრიზად კი გადმოგვცეს „ბარამბოს“ ტკბილეული და სამახსოვრო ნივთები. შთაბეჭდილებების წიგნში დავაფიქსირეთ ჩვენი მადლიერება მასპინძელი საწარმოს თანამშრომელთა მიმართ.