დღეს განსაკუთრებული დღე იყო სკოლა „ივერონში“ - დაწყებითი კლასების მოსწავლეთა მონაწილეობით ჩატარდა სპორტული აქტივობა - „მხიარული სტარტები“. ერთმანეთს ეჯიბრებოდა 2-2 გუნდი: I კლასი, II-III კლასები (შერეული სახით), IV კლასი და V-VI კლასები (დამოუკიდებლად). ბავშვებმა და მათმა მშობლებმა ძალიან ისიამოვნეს ამ დღით. იყვნენ გამარჯვებული გუნდები, იყო გამარჯვებულთა სიხარული და წაგებულთა გულისწყვეტა... მიუხედავად ყველაფრისა, „მხირული სტარტები“ დასრულდა საეთო მხიარულებით. ჩვენი სკოლის მოსწავლებმა ექსპრომტად შეასრულეს საცეკვაო ნომრები (სანდრო ზაქარაძე, გიორგი ვაშაკიძე, დემეტრე სირბილაძე, გიორგი ირზელაშვილი).
სკოლის დირექცია მადლობას უხდის მონაწილე მოსწავლეებსა და სპორტის მასწავლებელს. განსაკუთრებული მადლობა კი ჩვენ მშობლებს, რომლებიც აქტიურად იყვენენ ჩართულნი ამ ღონისძიებაში - ამხნევებდნენ მონაწილეებს და გვერდში გვედგნენ მთელი თამაშის მანძლზე.
02 ივნისს I კლასის მოსწავლეები მშობლებთან, დამრიგებელთან და აღმზრდელებთან ერთად, ესტუმრნენ იაკობ გოგებაშვილის სახლ-მუზეუმს სოფელ ვარიანში. მუზეუმში მოსწავლეებმა დაათვალიერეს იაკობისეული საყოფაცხოვრებო და სამეურნეო ნივთები. განსაკუთრებული შთაბეჭდილება ბავშვებზე მოახდინა ოთახმა, სადაც საკლასო ოთახი იყო მოწყობილი.
მუზეუმის დათვალიერების შემდეგ, ჩვენი პატარები კარგად გაერთნენ ღია სივრცეში და წარუშლელი შთაბეჭდილებებით დაბრუნდნენ სახლებში - ეს იყო მათი პირველი და დაუვიწყარი ექსკურსია.
ჩვენი სკოლის ახლა უკვე კურსდამთავრებულმა - ნინო შარაძემ, სკოლის VIII-IX-X კლასების მოსწავლეებთან მოაწყო საინფორმაციო ხასიათის შეხვედრა, რომელიც ეხებოდა ევროკავშირის მიერ დაფინანსებულ მოხალისეობრივ პროექტების - Erasmus+ და Erasmus . ნინომ ბავშვებს გააცნო წესები და პირობები, გააცნო თუ როგორ უნდა შეივსოს აპლიკაცია. ასევე ესაუბრა ასაკის შესაბამის კრიტერიუმებზე და მიაწოდა ინფრომაცია პროგრამის ფარგლებში არსებული დაფინანსების შესახებ.
თავად ნინო აღნიშნულ პროგრამაში სხვადასხვა დროს არაერთხელ იყო ჩართული და ყოველთვის წარუშლელი შთაბეჭდილებებით დაგვიბრუნდა. მადლობა მას საინტერესო და ჩვენი მოსწავლეებისათვის სასარგებლო შეხვედრისათვის.
საკონტაქტო ინფორმაცია
