პროექტის ფარგლებში, ქართული ენისა და საზოგადოებრივი მეცნიერებების კათედრამ VIII-XII კლასების მოსწავლეებთან დაგეგმა ესეების პრეზენტაცია თემაზე „იზრუნე ჯანმრთელობაზე და გაიხანგრძლივე სიცოცხლე“.მოსწავლეებმა არჩევანი გაკეთეს ნარკომანიასთან დაკავშირებულ პრობლემაზე - სპორტი თუ ნარკოტიკები... ეს ის გზებია, რომლის არჩევანსაც აკეთებს ახალგაზრდობა... ორივე მათგანი ჯანმრთელობას უკავშირდება - პირველი მათგანი აკაჟებს ორგანიზმს, ხოლო მეორე - ყოველმხრივ ანგრევს მას!მოსწავლეებმა ნაშრომებში ნათლად წარმოაჩინეს  ნარკოტიკების მოხმარებასთან დაკავშირებული პრობლემები, მოიყვანეს რეალური მაგალითები, ისაუბრეს პრევენციის გზებზე და გამოთქვეს საკუთარი მოსაზრებები აღნიშნულ პრობლემასთან დაკავშირებით.

მოსწავლეთა ცნობიერების ამაღლების მიზნით, სკოლის ფსიქოლოგმა მარიამ ჟორჟოლიანმა II და IV კლასების მოსწავლეებთან განახორციელა აქტივობა სახელწოდებით „მეგობრები არ ითვლიან ქრომოსომებს!“

როგორც სტატისტიკური მონაცემებით ირკვევა, მსოფლიოში 600-800 ახალშობილიდან, ერთი დაუნის სინდრომით იბადება. ამ დაავადების მქონე ბავშვი, შესაძლებელია ნებისმიერ ადამიანს გაუჩნდეს. ის არც მემკვიდრეობითია და არც გადამდები. სინდრომი გოგონებსა და ბიჭებში, ერთნაირი სიხშირით ვლინდება.

დაუნის სინდრომი არის ადამიანის გენეტიკური მდგომარეობა, როდესაც ყველა უჯრედში 46 ქრომოსომის ნაცვლად, 47 ქრომოსომაა. ეს მისი ბუნებრივი მდგომარეობაა, აქედან გამომდინარე, დაუნის სინდრომი დაავადება არ არის.

2006 წლის 21 მარტს, პირველად აღინიშნა დაუნის სინდრომის მქონე პირთა საერთაშორისო დღე. დღე და თვე შემთხვევით არ აურჩევიათ, 21-ე ქრომოსომას აღნიშნავს თარიღი, ხოლო მარტი, როგორც წელიწადის მესამე თვე ტრისომიულ მოვლენას.

2025 წლის 20 და 21 მარტს  კერძო სკოლა „ივერონში“ ჩატარდა ინტელექტუალური თამაში „ტვინების ბრძოლა“ - 2025 წლის საგაზაფხულო სეზონი. ამ თამაშს მოსწავლეები  ყოველთვის დიდი ინტერესით ელიან. ასე იყო ამჯერადაც.

თამაშის პირველ დღეს მოსწავლეებს და მათ დამრიგებლებს გადაეცათ დიპლომები, რომლებიც მათ მოიპოვეს შემოდგომის სეზონზე ასპარეზობისათვის. ეს მათთვის ძალიან სასიხარულო აღმოჩნდა და თამაშს კიდევ უფრო მეტი შემართებით შეუდგნენ.

პირველ ასაკობრივ კატეგორიაში:

I ადგილზე გავიდა გუნდი  - „ჯვაროსნები“ (V კლ)

II ადგილზე გავიდა გუნდი  - „ბორჯღალოსნები“ (V კლ)

III ადგილზე გავიდა გუნდი  - „ცეცხლოვანი სტიჩები“ (IV კლ) 

მეორე ასაკობრივ კატეგორიაში:

I ადგილზე გავიდა გუნდი  - „ნოსფერატუსი“ (VII კლ)

II ადგილზე გავიდა გუნდი  - „ბუები“ (VII კლ)

III ადგილზე გავიდა გუნდი  - „ცეცხლოვანი ტვინები“ (VII კლ)

მესამე ასაკობრივ კატეგორიაში:

I ადგილზე გავიდა გუნდი  - „ნიკე“ (XI კლ)

II ადგილზე გავიდა გუნდი  - „დიდგორი“ (XI კლ)

III ადგილზე გავიდა გუნდი  - „ტეტრარქია“ (X კლ)