2025-2026 სასწ. წელს სასკოლო პროექტის თემად სკოლამ აირჩია კულტურული მემკვიდრეობის დაცვა - სახელწოდებით: “ჩვენი საგანძური". ამასთან დაკავშირებით, უცხოური ენების კლუბმა (ხელმძღვ: მ. დარჩაშვილი და ქ. ჩიქოვანი) დაგეგმა მსვლელობა ძველი თბილისის ერთ-ერთი უძველეს უბანში - ავლაბარში, მარშუტით: ფერისცველების მონასტერი - დარეჯანის სასახლე - დავით მეფსალმუნის ტაძარი - მეტეხის ეკლესია - ასი ათასი მოწამის ხიდი - შარდენის ქუჩა - სიონის ეკლესია.
აქტივობის მიზანი იყო მოსწავლეების გიდის როლში ყოფნა და უცხოელი სტუმრების დაინტერესება ჩვენი ქალაქის წარსულით, მისი ისტორიით. მოსწავლეები ერთმანეთს ენაცვლებოდნენ: მოგვითხრობდნენ ინგლისურ და გერმანულ ენებზე. საინერესო ფაქტებს იხსენებდნენ ქართულადაც. მათ ძალზე საინტერესო ინფორმაცია ჰქონდათ მოძიებული ჩვენი უძველესი ეკლესიების, დარეჯანის სასახლის, შარდენის ქუჩის შესახებ. როგორც მოსწავლეებმა აღნიშნეს, ამ დღემდე ბევრი რამ არ იცოდნენ თავისი ქალაქის შესახებ.
ასე ჩაიწერა კიდევ ერთი ლამაზი დღე კლუბის ისტორიაში.
მადლობა IX-X კლასის მოსწავლეებს, მშობლებსა და კლუბის ხელმძღვანელებს ასეთი შინაარსიანი და ლამაზი დღისთვის.
სასკოლო პროექტის ფარგლებში -,,ჩვენი საგანძური"- V კლასის მოსწავლეები იმყოფებოდნენ ქართული კალიგრაფიის ხელოვნების აკადემიაში (დამრიგებელი: ლალი ლამბრიანიძე). აქტივობის ინიციატორი იყო ერთ-ერთი მშობელი. მასტერკლასი მოიცავდა შემდეგ აქტივობებს: პროფესიონალი კალიგრაფის ,,პერფორმანსი"; ხელნაწერი ბარათების დამზადება; უძველესი ხელნაწერების შექმნის ისტორიების გაცნობა; საკუთარი კალიგრაფიით პოეტური ან პროზაული სტრიქონების გაცოცხლება; პირველი კალიგრაფიული ნაშრომის შექმნა. კლასს ასევე ახლდნენ: ქართული ენისა და ლიტერატურის მასწავლებლები: ეკატერინე კაციტაძე, თინა ჩხეიძე და აღმზრდელი - ლუიზა კერესელიძე.
საკონტაქტო ინფორმაცია
