ჩვენი სკოლის IV კლასის მოსწავლე - გაბრიელ გეგნავა ყოველთვის წარმატებით მონაწილეობს კინგსის ოლიმპიადებში. ასე იყო ამჯერადაც - მან სამ საგანში (ქართული, მათემატიკა და ინგლისური) მონაწილეობა მიიღო კინგსის ოლიმპიადის საერთაშორისო ლიგაზე და დაიმსახურა ოქროს, ვერცხლისა და ბრინჯაოს მედლები, რითაც ყველა ძალან გაგვახარა.

ვულოცავთ ჩვენს გაბრიელს ამ გამარჯვებას!

Vბ კლასის მოსწავლეებმა წარმოადგინეს შემოქმედებითი პროდუქტი - მუსიკალური მინი-სპექტაკლი სახელწოდებით „საახალწლო ზღაპარი“ (საგანი - მუსიკა, მასწ.: მ. ბექურიძე). მოსწავლეებმა თავად გაანაწილეს როლები, დაამუშავეს სახელმძღვანელოში მოცემული ზღაპრის ტექსტი და შესაბამისი სცენები. მუსიკალურმა გაფორმებამ წარმოდგენის პესონაჟებთან ერთად  თვალწინ გადაგვიშალა ზღაპრული სამყარო. დასასრულს მათ ქართულ ენაზე  შეასრულეს ყველასათვის საყვარელი საშობაო სიმღერა „Jingle Bells“.

ყოველი წლის სექტემბერის თვეში აღინიშნება  დასუფთავების მსოფლიო  დღე. ღონისძიება გლობალურია და მასში ერთვება თითქმის მთელი  მსოფლიო. ამ დღეს სხვადასხვა ქვეყანაში მოხალისეები შერჩეულ ადგილებს ნარჩენებისაგან წმენდენ.

წლებია  ჩვენი სკოლის პედაგოგები  და მოსწავლეები აქტიურად  ზრუნავენ ეკოცნობიერების ამაღლებაზე. ამ სასწავლო წელსაც, 29 სექტემბერს VIII  და  IX კლასების  მოსწავლეებმა გეოგრაფიის მასწავლებლის - ე. ბუცხრიკიძისა  და აკადემიური დირექტორის -  მ. ბექურიძის ინიციატივით  აღნიშნეს  დასუფავების  მსოფლიო დღე. ამ აქტივობასთან დაკავშირებით მოსწვლეებს ჩაუტარდათ მინი-ლექცია, რის შემდეგაც მათ დაასუფთავეს სკოლის ეზო და მიმდებარე ტერიტორია.

V ბ კლასის მოსწავლეები წიგნის მოყვარულთა კლუბის ნორჩი წარმომადგენლები არიან. მათთან საუბარი შედგა ნოდარ დუმბაძის ბიოგრაფიისა და ნაწარმოებების შესახებ. მიუხედავად პატარა ასაკისა, მათი ნაწილი კარგად იცნობს დუმბაძის მოთხრობებს.  მოსწავლეებმა იხილეს ქართული ფილმი - „მე, ბებია, ილიკო და ილარიონი“ (რეჟ.: თ. აბულაძე) და მოხდა მისი შედარებითი ანალიზი ლიტერატურულ პირველწყაროსთან.

სამოქალაქო განათლების კლუბმა ამჯერად Vა კლასის მოსწავლეებს უმასპინძლა - მათთან საუბარი შედგა მოსწავლეთა შორის არსებულ ურთიერთობებზე, უნებლიედ წარმოქმნილ პრობლემებზე და მათ მოგვარებაზე, სასკოლო საზოგადოების მხრიდან მათთვის სასურველი და კეთილგანწყობილი გარემოს შექმნაზე. მოსწავლეებმა იხილეს თემტური შემეცნებითი ანიმაციური ფილმები, რის შემდეგაც გააანალიზეს ნანახი და  საინტერესო დასკვნებიც გააკეთეს.

V ბ კლასის დამრიგებელი ქ-ნი ლიკა დუღაშვილი სადამრიგებლო საათის ფარგლებში მოსწავლეებს ესაუბრა თემაზე: „ბულინგი სკოლებში“. მოსწავლეებმა იხილეს თემის შესაბამისი შემეცნებითი ანიმაციური ფილმები.