2019 წლის 30 მაისს კერძო სკოლა „ივერონს“ ესტუმრა თეატრმცოდნე, ჟურნალისტი და ტელეწამყვანი ბატონი ნიკოლოზ წულუკიძე. მის მობრძანებას მოუთმენლად ელოდნენ ჩვენი სკოლის მოსწავლეები, რომლებმაც ბევრი რამ შეიტყვეს ბატონი ნიკოლოზის ბავშვობის, სტუდენტობის, მისი პროფესიის, გატაცებების, მოგზაურობის, წიგნების, ინტერესებისა და მრავალი მათთვის საინტერესო საკითხის შესახებ. ბ-ნი ნიკა ამჯერადაც გამოირჩეოდა მისთვის ჩვეული ხალისით, იუმორით, უშუალობითა და გულწრფელობით.
შეხვედრის ინიციატორი იყო სკოლის მოსწავლეთა თვითმმართველობა „ივერონის“ დამფუძნებელთან ქ-ნ ციცო ჯაფარიძესთან ერთად. შეხვედრაზე ნაჩვენები იყო ფრაგმენტი პოპულარული ტელესერიალიდან „შუა ქალაქში“ ბატონი ნიკოლოზის მონაწილეობით, და მისი ცხოვრების ამსახველ ფოტო კადრებზე დაყრდნობით მოსწავლეთა მიერ შექმნილი ვიდეო კოლაჟი.
ეს იყო კიდევ ერთი დაუვიწყარი დღე „ივერონელებისთვის“. შეხვედრას მოსწავლეებთან ერთად ესწრებოდნენ ასევე მასწავლებლები, მშობლები და სკოლის ადმინისტრაცია.
ჩვენო ძვირფასო XII კლასის მოსწავლეებო!
გილოცავთ სკოლის წარჩინებით დამთავრებას!
ორი ოქროსა და ერთი ვერცხლის მედალი! -აი ესაა თორმეტი წლის გულმოდგინედ სწავლისა და შრომის შედეგი!
დაგილოცავთ გზას მომავლისკენ!
2019 წლის 7 მაისს სკოლა „ივერონმა“ 2017-2018 სასწავლო წლის კურსდამთავრებულ მედალოსნებს (კლასის დამრიგებელი: ეკატერინე კაციტაძე) გადასცა ოქროსა და ვერცხლის მედლები და შესაბამისი სერთიფიკატები. ესენი არიან:
ოქროს მედლების მფლობელები - ანი ჩიჩუა და სალომე სარაჯიშვილი
ვერცხლის მედლების მფლობელები - მარიამ კვასტიანი და სალომე გორგაძე.
ვულოცავთ მათ ამ პირველ დიდ გამარჯვებას და ვუსურვებთ მომავალში კიდევ უფრო დიდი მწვერვალების დაპყრობას!
22.03.2019 წ.
IV კლასი (დამრიგებელი: თ. აბულაძე)
სკოლა „ივერონის“ IV კლასის მოსწავლეები შეუერთდნენ დაუნის სინდრომის მსოფლიო დღეს!
19.11.2018წ.
VIII კლასმა სახვით და გამოყენებით ხელოვნებაში წარმოადგინა პროექტი სახელწოდებით „ჟანრი სახვით ხელოვნებაში“ (მასწავლებელი: ლალი ლამბრიანიძე). მოსწავლეებმა ისაუბრეს ჟანრის რაობის, მისი ჩამოყალიბების ისტორიის შესახებ და მის სახეობებზე. ერთმანეთისაგან განასხვავეს ცნობილი მხატვრების სხვადასხვა ჟანრში შესრულებული ნამუშევრები.
I კლასი (დამრიგებელი: მ.კუბლაშვილი)
სახვითი და გამოყენებითი ხელოვნების მასწავლებლის ქალბატონ თამთა აბულაძის დახმარებით, სკოლა „ივერონის“ I კლასი ეხმიანება დაუნის სინდრომის მსოფლიო დღეს.
