2024 წლის 10 ივნისს, სკოლის დარბაზში სცენაზე წარსდგნენ მეტყველების წრის (მასწ.: მანანა თევზაძე) მოსწავლეები (მათი ნაწილი - 15 მოსწ.), რომლებმაც მათ მოსასმენად მოსულ ახლობლებს, მეგობრებსა და სკოლის მასწავლებლებს, ხმამაღლა, გამოთქმით წაუკითხეს „ვეფხისტყაოსნის“ საწყისი სტროფები. მათ კითხვას მუსიკალური თანხლება არ ჰქონია. ტექსტთან მარტოდ დარჩენილებს თავი არ შეურცხვენიათ. პირიქით, საკმაოდ მობილიზებულად, ემოციურად დამუხტულებმა თავიანთი სათქმელი ხმამაღლა განაცხადეს: თუ რა მნიშვნელობა აქვს მათთვის „ვეფხისტყაოსანს“, რა ძალისხმევა დასჭირდათ მასზე მუშაობისას, როგორი შრომით შეიძლება საუკეთესო შედეგის მიღწევა.
საუკეთესო შედეგი ძალიან შორსაა, მაგრამ ის მცირედიც, რასაც მათ მიაღწიეს, ნამდვილად იმსახურებს შექებასა და მოწონებას. დამსწრე საზოგადოებამ - პედაგოგებმა, ადმინისტრაციამ ჯეროვნად შეაფასა მათი შრომა და სამომავლოდ წარმატება უსურვა, მით უფრო, რომ განზრახულია ქორეოგრაფთან ერთად ამ თემაზე მუშაობის გაგრძელება.
ღონისძიება სახელწოდებით-"მათემატიკა სცენაზე", მიზნად ისახავდა მოსწავლეთა დაინტერესებას მათემატიკით. ღონისძიებაზე წარმოდგენილი იყო ე.წ. "ოინები"-მათემატიკური გამოთვლებით ჩაფიქრებული რიცხვის გამოცნობა, ჯიბეში დამალული ნივთების ამოცნობა და ა.შ. ვფიქრობთ, ასეთი წარმოდგენებით ბავშვები სხვა კუთხით დაინახავენ მათემატიკას და ეს საგანი უფრო მიმზიდველი გახდება მათთვის. ასევე წარმოდგენილი იყო პიესა, სადაც მათემატიკის გაკვეთილის ინსცნირება მოხდა: მოსწავლეები ცდილობდნენ თავი მოეჩვენებინათ მასწავლებლისთვის, რომ მომზადებული ჰქონდათ გაკვეთილი, თუმცა ეს არ გამოუვიდათ. ბოლოს ერთ-ერთი მოსწავლე მათ დაარწმუნებს, რომ მათემატიკა ძალიან მნიშვნელოვანი საგანია და აუცილებელია სისტემატიური მუშაობა და მეცადინეობა.
პიესამ და ზოგადად ღონისძიებამ დიდი შთაბეჭდილება მოახდინა პატარა მაყურებლებზე (I, II, III კლასები). პირველკლასელებმა უმალვე გამოთქვეს სურვილი ჩართულიყვნენ მათემატიკურ „ოინებში“ და დახმარება გაეწიათ მონაწილე მოსწავლეებისათვის.
საჭიროა ყველა მოსწავლემ გაიაზროს, თუ რამდენად აუცილებელია მათემატიკის სწავლა და როგორ დაეხმარებათ მათ ეს ცოდნა არა მარტო სკოლაში, არამედ ყოველდღიურ ცხოვრებაშიც.
2024 წლის 7 ივნისს ჩატარდა I კლასის მოსწავლეების გამოსაშვები, შემაჯამებელი ღონისძიება სახელწოდებით - ,,ანბანის გაცილება” (მასწ.: მ. კუბლაშვილი). მოსწავლეებმა წარმოთქვეს ანბანის ქებასთან დაკავშირებული მცირე ზომის ლექსები და გამონათქვამები, გაითამაშეს იაკობ გოგებაშვილის ,,საგანძურიდან ” – „მუქთამჭამელა”, ანბანის თითოეულ ასოზე წარმოთქვეს ანდაზები და „ვეფხისტყაოსნიდან” აფორიზმები, შეასრულეს დედაენისადმი მიძღვნილი ქართველ კომპოზიტორთა სიმღერები და სახალისო მუსიკალური ნომრები. ღონისძიების ბოლოს მოსწავლეებს გადაეცათ სახალისო ნომინაციები.
დღეს განსაკუთრებული დღე იყო სკოლა „ივერონში“ - დაწყებითი კლასების მოსწავლეთა მონაწილეობით ჩატარდა სპორტული აქტივობა - „მხიარული სტარტები“. ერთმანეთს ეჯიბრებოდა 2-2 გუნდი: I კლასი, II-III კლასები (შერეული სახით), IV კლასი და V-VI კლასები (დამოუკიდებლად). ბავშვებმა და მათმა მშობლებმა ძალიან ისიამოვნეს ამ დღით. იყვნენ გამარჯვებული გუნდები, იყო გამარჯვებულთა სიხარული და წაგებულთა გულისწყვეტა... მიუხედავად ყველაფრისა, „მხირული სტარტები“ დასრულდა საეთო მხიარულებით. ჩვენი სკოლის მოსწავლებმა ექსპრომტად შეასრულეს საცეკვაო ნომრები (სანდრო ზაქარაძე, გიორგი ვაშაკიძე, დემეტრე სირბილაძე, გიორგი ირზელაშვილი).
სკოლის დირექცია მადლობას უხდის მონაწილე მოსწავლეებსა და სპორტის მასწავლებელს. განსაკუთრებული მადლობა კი ჩვენ მშობლებს, რომლებიც აქტიურად იყვენენ ჩართულნი ამ ღონისძიებაში - ამხნევებდნენ მონაწილეებს და გვერდში გვედგნენ მთელი თამაშის მანძლზე.
ჩვენი სკოლის ახლა უკვე კურსდამთავრებულმა - ნინო შარაძემ, სკოლის VIII-IX-X კლასების მოსწავლეებთან მოაწყო საინფორმაციო ხასიათის შეხვედრა, რომელიც ეხებოდა ევროკავშირის მიერ დაფინანსებულ მოხალისეობრივ პროექტების - Erasmus+ და Erasmus . ნინომ ბავშვებს გააცნო წესები და პირობები, გააცნო თუ როგორ უნდა შეივსოს აპლიკაცია. ასევე ესაუბრა ასაკის შესაბამის კრიტერიუმებზე და მიაწოდა ინფრომაცია პროგრამის ფარგლებში არსებული დაფინანსების შესახებ.
თავად ნინო აღნიშნულ პროგრამაში სხვადასხვა დროს არაერთხელ იყო ჩართული და ყოველთვის წარუშლელი შთაბეჭდილებებით დაგვიბრუნდა. მადლობა მას საინტერესო და ჩვენი მოსწავლეებისათვის სასარგებლო შეხვედრისათვის.
სკოლა „ივერონის“ IX კლასის მოსწავლეებმა ქართულ ენასა და ლიტერატურაში წარმოადგინეს მათ მიერ შედგენილი პოეტური კრებულების ანთოლოგია თემაზე: „ლექსი ერთი რამ არის ამ სოფლის საქმეში“ (მასწავლებელი: თინა ჩხეიძე). მოსწავლეებმა კრებულებში თავი მოუყარეს სხვადასხვა თემატიკის ლექსებს. თითოეულ ლექსს თან ერთვოდა ავტორის შესახებ მოკლე ბიოგრაფიული ცნობები და სალექსო სტრუქტურის დახასიათება. მოსწავლეებმა ისაუბრეს, თუ რა ნიშნით შეარჩიეს ლექსები თავისი პოეტური კრებულისათვის და წაგვიკითხეს რჩეული და მათთვის საყვარელი ლექსები.
ეს იყო IX კლასთან გატარებული პოეზიის საოცარი 45 წუთი.
სკოლა „ივერონის“ IXკლასის მოსწავლეებმა 27 მაისს მოაწყვეს პრეზენტაცია თემაზე: „ტერორიზმი - თანამედროვე მსოფლიოს ერთ-ერთი რთული გამოწვევა“ .
როგორც ცნობილია, მსოფლიოში განვითარებული გლობალური კრიზისები გამოწვეულია მცდარი ფინანსური ან ეკონომიკური საქმიანობით, პანდემიით, სამხედრო კონფლიქტებით, ტერორიზმით. ეს უკანასკნელი მოვლენა მსოფლიოს ერთ-ერთი ყველაზე რთული გამოწვევაა. ზოგჯერ მას „არატრადიციულ ომად“ მოიხსენიებენ, რადგან დარღვეულია ომის ყოველგვარი წესი: არ არსებობს არც ფრონტი, არც საზღვრები, ომი მიმდინარეობს გამოცხადების გარეშე, არ განირჩევიან სამხედროები მშვიდობიანი მოსახლეობისგან. ტერორისტული აქტები შიშსა და შფოთვას თესავენ მოსახლეობაში. ჩვენი ქვეყნისთვის სასიცოცხლოდ მნიშვნელოვანია ტერორისტული საქმიანობის პრევენცია და აღკვეთა.
მოსწავლეებმა ისაუბრეს ტერორიზმის წარმოშობაზე, მისგან მომდინარე საშიშროებაზე, მოიყვანეს მაგალითები მსოფლიოში მომხდარ ტერორისტულ აქტებზე. პრეზენტაციისას წარმოადგინეს შესაბამისი ვიზუალური მასალა; მათ დაგმეს ტერორიზმი და გამოთქვეს საკუთარი მოსაზრებები, როგორ შეიძლება ებრძოლონ მას.