ულამაზესი, საინტერესო და მხიარული  დღე ატენის ხეობაში...

ატენის სიონის საოცარი ფრესკები, უძველესი ქართული წარწერები, ულამაზესი ეკლესია...

პირველად ერთად სკოლის გარეთ: თამაში, პიკნიკი, მწვადები, სიმღერა, ცეკვა... დედიკოების პირველი შეხვედრა და დამეგობრება... დაუვიწყარი დღე „ივერონის“ V კლასელებისათვის...  მრავალჟამიერ...

მიმდინარე სასწავლო წლის 10 ივნისს, IX ბ კლასი იმყოფებოდა საგანმანათლებლო-შემეცნებით  ექსკურსიაზე, რომლის ხელმძღვანელიც იყო კლასის დამრიგებელი ქ-ნი ლიანა ახალკაცი. მოსწავლეებმა მოინახულეს ვაჟა-ფშაველას სახლ-მუზეუმი სოფ. ჩარგალში და ანანურის სამონასტრო კომპლექსი - შესწავლილი მასალა  (ნ. ბარათაშვილის პოემა „ბედი ქართლისა“) დააკავშირეს ანანურის ციხესთან და არაგვის ხეობასთან. 
 ჩარგალში მოსწავლეებმა მოიმინეს ინფორმაცია ვაჟა-ფშაველას ცხოვრებისა და შემოქმედების შესახებ, საინტერესო იყო იმ ნივთების ხილვა, რომელსაც ვაჟა მოიხმარდა შემოქმედებისა და შრომითი საქმიანობის დროს. ძალზე საინტერესო იყო მუზეუმში გამოფენილი ექსპონატების დათვალიერება... მოსწავლეები ემოციებით დატვირთულნი დაბრუნდნენ შინ.

სკოლა „ივერონის“ მათემატიკის მასწავლებელი ქ-ნი ნატო შაროვი, ყველაფერს აკეთებს იმისათვის, რომ ჩვენი სკოლის მოსწავლეებმა შეიყვარონ მათემატიკა. ნატო მასწავლებელი ცდილობს, რომ  მოსწავლეებმა მათემატიკური ამოცანებისა და  მაგალითების გამოთვლების გარდა, დაინახონ ის საინტერესო და სახალისო „ოინები“, რომლებიც ამ საგნის ფარგლებში საკმაოდ გვხვდება. ეს იყო ინტერაქციური ღონისძიება, რომელშიც დიდი ინტერესით ჩაერთვნენ ასევე მაღალი კლასების მოსწავლეებიც.სახალისო გამოთვლების შემდეგ, IV კლასის მოსწავლეებმა წარმოადგინეს მინი-სპექტაკლი - „მათემატიკის გაკვეთილზე“.

ხელოვნების მოყვარულთა კლუბის ფარგლებში, VIII კლასის მოსწავლეებმა ფოტოაპარატებით შემოიარეს სკოლის ეზო და ფირზე აღბეჭდეს ბუნების ლამაზი ქმნილებები. კლასმა გამოავლინა გამარჯვებული მოსწავლე - მარიამ დარჩიძე, რომელმაც კლუბის წევრთა განსაკუთრებული მოწონება დაიმსახურა. მარიამმა გადაღებული ფოტოებით  წარმოადგინა სლაიდშოუ.
ეს იყო ჩვენი მოსწავლეების პირველი მცდელობა ფოტოხელოვნების კუთხით. კლასმა იმუშავა დიდი გატაცებითა და  დაკვირვებით. კლუბის წევრები ზაფხულშიც გააგრძელებენ დაკვირვებას გარემომცველ სამყაროზე და ახალ სასწავლო წელს წარმოგვიდგენენ საინტერესო ფოტო-ნამუშევრებს.