სიახლეები
ჩვენმა მოსწავლეებმა სულაკაურის გამომცემლობისაგან მიიღეს ძვირფასი
საჩუქარი - ესაა მხატვრული ლიტერატურის საბავშვო გამოცემი
ქართულ ენაზე. ეს ამბავი მყისვე გავრცელდა სკოლაში და მოსწავლეები
მოუთმენლად ელოდნენ ახალ პერსონაჟებთან შეხვედრას. სასწავლო პროცესის
დასრულებისათვის ახალი წიგნების უმრავლესობა ჩვენი ნორჩი მკითხველების
ხელში აღმოჩნდა. დანარჩენებს კი წიგნის მოყვარულთა კლუბის წევრი
მოსწავლეები დიდი ინტერესით ეცნობიან ჩვენი სკოლის
ბიბლიოთეკაში.
ჩვენმა პირველკლასელებმა საყვარელ დედიკოებს მისალოცი ბარათებით,
ლექსებითა და სიმღერებით მიულოცეს დედის დღე და 8 მარტი.
ყველაფერი პროცენტების შესახებ - მათემატიკის გაკვეთილზე (მასწ.: ც.
სოხაძე) მოსწავლებმა განიხილეს პროცენტთან დაკავშირებული ყველა
შესაძლო ვარიანტი, ამოხსნეს ამოცანები ცხოვრებისეული შემთხვევების
გამოყენებით და გამოამჟღავნეს საკითხის სათანადო ცოდნა.
გაკვეთილზე ყველა მოსწავლე აქტიურად იყო ჩართული და ცდილობდა მიღებული
ცოდნის წარმოჩენას.
V კლასმა საინტერესო პრეზენტაცია წარმოადგინა - მათ შინაარსობრივად კარგად დაახასიათეს და აღწერეს თავისი საყვარელი ცხოველები: ფერი, თვისებები, ხასიათი, ჩვევები და ა.შ. აღმოჩნდა, რომ კლასის უმრავლესობის საყვარელი ცხოველი არის ძაღლი. ზოგიერთ მათგანს ძაღლი სახლში ან სოფელში ჰყავს, აქტიურად ურთიერთობენ და ზრუნავენ მათზე. მხოლოდ ერთმა მოსწავლემ დაასახელა თხა: როგორც მან აღნიშნა, თურმე ფეხბურთში კარგ მოთამაშეს „თხას“ ეძახიანო.
მოსწავლეებმა პრეზენტაციის დროს სწორად გამოიყენეს ნასწავლი მასალა და გამოავლინეს სათანადო ლექსიკური მარაგი.
VII ლასის მოსწავლემ ქეთი ხოხაშვილმა საშინაო დავალების თემა ფიზიკაში
წარმოადგინა საინტერესო პრეზენტაციის სახით: „ხახუნის ძალა -
მტერი და მეგობარი“ (მასწ.: მ. გოგაძე). მან განიხილა ყველაზე
გავრცელებული ცხოვრებისეული შემთხვევები, რომლებიც ყოველდღიურ
ცხოვრებაში ზოგჯერ ეხმარება ადამიანებს, ზოგჯერ კი მტრად ექცევა ის.
მოსწავლეებმა ერთმანეთს დაუსვეს საინტერესო შეკითხვები, იმსჯელეს და
ახსნეს თითოეული მათგანი ფიზიკის კანონზომიერებებიდან
გამომდინარე.
საკონტაქტო ინფორმაცია
თბილისი, დიდი დიღომი, გიორგი ბრწყინვალეს 41ა
2 53 56 68; 2 53 56 69
599 71 10 40; 599 04 40 14
www.iveronischool.ge
