დასრულდა ეროვნული სასწავლო ოლიმპიადის პირველი ტური, რომელიც ჩატარდა 2022 წლის 9-დან 13 დეკემბრის ჩათვლით. მასში მონაწილეობა მიიღეს საბაზო და საშუალო საფეხურის მოსწავლეებმა (ჩართულობა საკმაოდ მაღალი იყო - მონაწილეობდა 50-მდე მოსწავლე).
მიუხედავად იმისა, რომ ოლიმპიადა ძირითადად გათვლილი იყო X-XII კლასებზე, მასში მონაწილეობა მიიღეს ასევე VII – IX კლასების მოსწავლეებმაც, რომლებსაც დიდი სურვილი ჰქონდათ მოესინჯათ თავიანთი შესაძლებლობები. მათ მიიღეს კარგი გამოცდილება იმისათვის, რომ მომავალ სასწავლო წელს ოლიმპიადას უკეთ მომზადებულები შეხვდნენ.
მოსწავლეებმა მონაწილება მიიღეს თითქმის ყველა საგანში. განსაკუთრებული სიმრავლით გამოირჩეოდა ოლიმპიადა ქართულ ენასა და ლიტერატურაში. მოსწავლეთა უმრავლესობამ გადალახა საგნობრივი ზღვარი. მეორე ტურში გადასული მოსწავლეების ზუსტი ვინაობა კი სულ მალე გახდება ცნობილი.
თემა: ქალაქის ხმები (სიგნალებით სატრანსპორტო საშუალებების ამოცნობა; სხვადასხვა რაოდენობისა და სიმაღლის ბგერების ამოცნობა; წვრილი და ბოხი ხმების გარჩევა ერთმანეთისაგან; მათი გრაფიკული გამოსახვა და ა.შ.)
კომპლექსური დავალება ითვალისწინებდა მკვიდრ წარმოდგენებზე დაყრდნობით სამიზნე ცნებაზე (მუსიკა) მუშაობას.
2022 წლი 13 დეკემბერს სამოქალაქო განათლების კლუბში შეიკრიბნენ X კლასის მოსწავლეები. შეხვედრა ეხებოდა დღეისათვის საკმაოდ აქტუალურ თემას - ესაა ქალთა მიმართ ძალადობა.
პერიოდულად სოც. ქსელში ვრცელდება შემთხვევები, რომლებიც გაუგონარი სისასტიკით ხასიათდებიან... ამას კი ეწირება არაერთი მოქალაქის სიცოცხლე...
რით არის განპირობებული ამგვარი ქმედებების მომრავლება? რამდენად აქვს გამართლება დამნაშავის მიერ ჩადენილ საქციელს? ვინ არის დამნაშავე - ოჯახი თუ საზოგადოება? და სხვა. მოსწავლეებმა გამოთქვეს თავიანთი მოსაზრებები აღნიშნულ საკითხებთან დაკავშირებით. მათი აზრით, არანაირი გამართლება არა აქვს ძალადობას, მიუხედავად იმისა, თუ რა არის დანაშაულის წინაპირობა.
შეხვედრას ესწრებოდნენ კლასის დამრიგებელი და სკოლის ადმინისტრაციის წარმომადგენლები.
საკონტაქტო ინფორმაცია
