VI კლასში ჩატარდა ინტეგრირებული გაკვეთილი - ჩვენი საქართველო-მათემატიკა. (მასწ.: ე. ბუცხრიკიძე და ნ. შაროვი). გაკვეთილის თემა იყო - მასშტაბი. მოსწავლეებმა ახსნეს მასშტაბის რაობა, მნიშვნელობა, სახეები, დანიშნულება და გამოყენება. მათ ჯგუფურად შეასრულეს დავალებელი, პრაქტიკული სავარჯიშოები - მასშტაბის გამოყენებით ამოხსნეს როგორც გეოგრაფიული, ასევე მათემატიკური  ამოცანები, რითაც გამოავლინეს საგნთაშორის ურთიერთკავშირი.

გაკვეთილზე მოსწავლეებმა აჩვენეს პროგრამის სიღრმისეული ცოდნა ორივე საგანში. მათი პასუხები იყო სხარტი, ზუსტი. გამოავლინეს ჯგუფური მუშაობისა და პრეზენტაციის სათანადო უნარ-ჩვევები.

სასწავლო წლის მანძილზე, სადამრიგებლო საათის ფარგლებში, კლასის დამრიგებლებმა სკოლის ექთანი მიიწვიეს სხვადასხვა თემებზე სასაუბროდ.  შემოდგომა-ზამთრის პერიოდში მოსწავლეთა შეკითხვები ძირითადად ეხებოდა სეზონურად გავრცელებულ რესპირატორულ და ინფექციურ დაავადებებს, ხოლო გაზაფხული-ზაფხულის მოახლოვებასთან ერთად, მოსწავლეები ინტერესდებიან სხვადასხვა სახის ტრავმებით - დაჟეჟილობითა და მოტეხილობით გამოწვეული პრობლემებით. შეხვედრების დასასრულს ჩვენი მოსწავლეები მივიდნენ შემდეგ დასკვნამდე: იმისათვის, რომ შევინარჩუნოთ ჯანმრთელობა, პირველ შემთხვევაში გადამწყვეტი მნიშვნელობა ენიჭება ჰიგიენური ნორმების დაცვას, ხოლო მეორე შემთხვევაში კი მნიშვნელოვანია გამოვიჩინოთ სიფრთხილე და წინდახედულობა.  

სამოქალაქო განათლების კლუბ „ივერონის“ წევრები (VII კლ მოსწ.) შეხვდნენ ჩვენი სკოლის II და III კლასების მოსწავლეებს. მათთან საუბარი შედგა ელექტროდენისაგან მოსალოდნელი სავალალო შედეგების თავიდან აცილების შესაძლებლობების შესახებ. მიუხედავად იმისა, რომ  თითქოს ყველამ ძალიან კარგად იცის, თუ რაოდენ გასაფრთხილებელია ელექტროობასთან შეხება და რამდენად მნიშვნელოვანია ამ მხრივ უსაფრთხოების ნორმების დაცვა, მაინც ხდება შემთხვევები, რომლებიც ძალინ ცუდად მთავრდება. ყოველივე ეს კი ალბათ ნაწილობრივ იმის შედეგია, რომ ადრეული ასაკიდანვე უნდა ჰქონდეს ბავშვს გამჯდარი ის ნორმები და აკრძალვები, რაც ხშირ შემთხვევაში გვავიწყდება…  და გაუფრთხილებლობისა თუ დაუდევრობის შედეგად გამოუსწორებელი შედეგების მოწმეები ვხვდებით.

ამ შეხვედრის მიზანი იყო ის, რომ გაგვეცნო და კიდევ ერთხელ შეგვეხსენებინა ჩვენი პატარა მოქალაქეებისათვის აკრძალვები, რაც არასოდეს არ უნდა დაივიწყონ მათ. ჩვენს გარშემო ძალიან ბევრი ისეთი ნივთია, რომელსაც ყოველდღიურობაში მოვიხმართ - თითქოს უსაფრთხოა, მაგრამ არასწორი მოხმარების ან გაუფრთხილებლობის შემთხვევაში, ის საფრთხეს უქმნის ჩვენს სიცოცხლეს.

კლუბის წევრებმა პატარებს გააცნეს თემატური თვალსაჩინოება და ნახეს შემეცნებითი ანიმაციური ფილმები  (1-  https://www.youtube.com/watch?v=PynWZCFSH8g ;

2-  https://www.youtube.com/watch?v=C9BYaDppwko ).

პატარებმა გაიხსენეს, ადრეულ ასაკში როგორი მოურიდებლები ყოფილან ზოგჯერ  როზეტთან, გაწყვეტილ კაბელთან, ელექტრონივთებთან და ა.შ.