20 ოქტომბერს VIII კლასის მოსწავლეებმა მოინახულეს  ულამაზესი ბორჯომის ხეობა და მის მიმდებარედ არსებული ღირსშესანიშნაობები - ტიმოთეს უბანი, მწვანე მონასტერი, სადგერის წმ. გიორგის მონასტერი, წმ. საროველის მონასტერი.

2024 წლის 11 ოქტომბერს, სადამრიგებლო საათის ფარგლებში,  VIII კლასის მოსწავლეები იმყოფებოდნენ დიდუბის საგამოფენო სივრცეში -  "მხატვრული რეწვის და დიზაინის თბილისის V საერთაშორისო სამიტზე" - ეთნოფესტი 2024" (ორგანიზატორი: ხელოვნების საერთაშორისო ცენტრი -  @tbilisiethnofest -ის გვერდს და ასეც #ETHNOFEST2024

სადაც ჩარდა ეთნოგრაფიული მასტერკლასები სხვადასხვა საინტერესო თემებზე. მასტერკლასებს ატარებდა 150-ზე მეტი ქართველი და უცხოელი (აზერბაიჯანელი, ბრაზილიელი, ჩეხი, დიდ ბრიტანელი, ყაზახი) დიზაინერი და ოსტატი, რომლებიც მნახველებს აცნობდნენ თავიანთ შემოქმედებას, მასთან დაკავშირებულ ისტორიულ წყაროებს და უმხელდნენ შემოქმედებით „საიდუმლოებებს“.

სკოლა „ივერონის“ მოსწავლეები ეთნოფესტზე მიიწვია ქ-ნმა თეა გოცირიძემ,  რომელიც გახლავთ საერთაშორისო ცენტრის პროექტების კოორდინატორი.

მრავალფეროვანი თემატიკიდან VIII კლასის მოსწავლეებმა არჩევანი გააკეთეს და ესწრებოდნენ ბრაზილიური სამკაულების შექმნის ხელოვნების მასტერკლასს სახელწოდებით: „შექმენი სამკაული ბრაზილიური ოქროს ბალახილაგან“, რომელიც ჩაატარა ბრაზილიელმა ოსტატმა ქ-ნმა ფაბიანა ბაზერამ. მან დამსწრეებს დაწვრილებით აუხსნა  ეროვნული სამკაულების შექმნასთან დაკავშირებით არსებული ყველა დატალი.

მოსწავლეებმა ასევე დაათვალიერეს გამოფენაზე წარმოდგენელი სხვადასხვა ქვეყნის ხალხური შემოქმედების მრავალფეროვანი ნაკეთობები.

ეს იყო ძალიან საინტერესო და სასარგებლო ვიზიტი ჩვენი მოსწავლეებისათვის.

IV კლასის მოსწავლეებმა (დამრ.: ლალი ჯოხაძე)  სოფელ ვარიანში მოინახულეს იკობ გოგებაშვილის სახლ-მუზეუმი.

02 ივნისს I კლასის მოსწავლეები მშობლებთან, დამრიგებელთან და აღმზრდელებთან ერთად, ესტუმრნენ იაკობ გოგებაშვილის სახლ-მუზეუმს სოფელ ვარიანში. მუზეუმში მოსწავლეებმა დაათვალიერეს იაკობისეული საყოფაცხოვრებო და სამეურნეო ნივთები. განსაკუთრებული შთაბეჭდილება ბავშვებზე მოახდინა ოთახმა, სადაც საკლასო ოთახი იყო მოწყობილი.

ქართული ენისა და ლიტერატურის მასწავლებელთა (ე. კაციტაძის და ლ. ახალკაცის)  ინიციატივით, 2023 წლის 31 ოქტომბერს შედგა Xა  და  Xბ კლასების გასვლითი გაკვეთილი. მათ მოინახულეს მეტეხის ტაძართან მდებარე აბო თბილელის ნიში და მისი სახელობის ტაძარი და წარმოადგინეს საინტერესო პრეზენტაციები. 

მიუხედავად 29 ნოემბრის ცივი ამინდისა,  ივანე ჯავახიშვილის სახლ-მუზეუმში სტუმრობამ სოფ. ხოვლეში, საოცრად თბილ ატმოსფეროში ჩაიარა. ეს იყო გაგრძელება იმ ღონისძიებისა, რომელიც VIII კლასის მოსწავლეებმა დაახლოვებით ერთი კვირის წინ წარმოადგინეს სკოლაში, ბ-ნ დავით სართანიას სტუმრობის დროს.

სახლ-მუზეუმის დირექტორმა გულთბილად მიიღო ჩვენი მოსწავლეები, ექსკურსიამძღოლმა ბევრი საინტერესო ისტორიული ფაქტი გაგვაცნო ჯავახიშვილის ცხოვრებიდან და მისი მოღვაწეობიდან. დასასრულს, მოსწავლეებმა გადაიღეს სამახსოვრო ფოტოები.