2019 წლის 15 მარტს შედგა სკოლა „ივერონის მოსწავლეთა თვითმმართველობის პირველი შეკრება, რომელზედაც დასახელდა სკოლის თვითმმართველობის თავმჯდომარე. ესაა X კლასის მოსწავლე ქ. გოგატიშვილი, რომელმაც ხმათა უმეტესობა მიიღო. ვულოცავთ ქეთის ამ გამარჯვებას და ვუსურვებთ წერმატებულ საქმიანობას!
07.03.2019 წ.
2019 წლის
7 მარტს კერძო სკოლა „ივერონში“ ჩატარდა თვითმმართველობის არჩევნები.
არჩევნებში მონაწილეობა მიიღეს სკოლის საბაზო და საშუალო საფეხურის
მოსწავლეებმა. თვითმმართველობის წევრობაზე შემოსული იყო მთლიანობაში
15 კანდიდატის განცხადება. წარმოგიდგენთ არჩევნებში გამარჯვებულ
მოსწავლეებს კლასების მიხედვით:
VII კლ. - ეკატერინე მერკვილიშვილი
VIII კლ. - გიგი გუტაშვილი
IX კლ. - ლუკა ბერიშვილი
X კლ. - ქეთი გოგატიშვილი
XI კლ. - ეკატერინე ქებაძე
XII კლ. - ლუკა ფალავანდიშვილი
ვულოცავთ ყველას ამ პირველ წარმატებას!
მუსიკის გაკვეთილით შთაგონებულმა საბა სვანმა გაკვთილის დასასრულს ასე გამოხატა თავისი ემოცია! (მუსიკის მასწავლებელი: ნანა ჭავჭანიძე)
„ჩვენ გვიყვარს მუსიკა!“ - ასე გამოხატეს მუსიკისადმი სიყვარული IV კლასის მოსწავლეებმა (მუსიკის მასწ.: ნ, ჭავჭანიძე)
სკოლა „ივერონის“ მოსწავლეები აქტიურად არიან ჩართულები სხვადასხვა საგნობრივ ოლიმპიადებში. ამის დასტურია ამჯერად რობინსონის საერთაშორისო ასოციაციის მიერ მოწოდებული სერთიფიკატები და დიპლომები, რომლებიც გადაეცათ ჩვენს მოსწავლეებსა და დაწყებითი კლასების პედაგოგს ქ-ნ მარიამ კუბლაშვილს.
2018-2019 სასწავლო წელს რობინსონის ოლიმპიადის წარმატებული მოსწავლეები არიან:
III კლასის მოსწავლე - საბა სვანი;
V კლასის მოსწავლეები - მარიამ კეკენაძე, გიორგი ზურაბიშვილი, ქეთევან გობრონიძე;
VI კლასის მოსწავლე - ელენე დუგლაძე
VII კლასის მოსწავლე - ნინო შარაძე
ვულოცავთ ჩვენს მოსწავლეებს წარმატებულ მონაწილეობას ოლიმპიადაში!
15.01.2019
წ.
საქართველოს განათლების, მეცნიერების, კულტურისა და სპორტის
სამინისტროს რეკომენდაციით (გრიპის ვირუსის გავრცელების პრევენციის
მიზნით) 2018-2019 სასწავლო წლის ზამთრის არდადეგები გახანგრძლივდება
2019 წლის 18 იანვრის
ჩათვლით.
გაცდენილი დღეების ნაცვლად კი მეცადინეობა ჩატარდება შემდეგი განრიგის შესაბამისად:
09 თებერვალს - სამშაბათის ცხრილით
16 თებერვალს - ოთხშაბათის ცხრილით
23 თებერვალს - ხუთშაბათის ცხრილით
02 მარტს - პარასკევის ცხრილით
სკოლა „ივერონის“ მოსწავლეებმა წარმოადგინეს მრავალფეროვანი და საინტერესო საახალწლო პროგრამა. ბავშვებს საახალწლო განწყობა კიდევ უფრო გაულამაზეს მოწვეულმა სტუმრებმა - სანტა კლაუსმა და ფიფქიამ.
ჩვენი სკოლის VII კლასის მოსწავლეებმა სახვითი და გამოყენებითი ხელოვნების პედაგოგ ლალი ლამბრიანიძის ხელმძღვანელობით, წარმოადგინეს პროექტი „ჩემი საყვარელი მხატვარი". პროექტის მონაწილეებმა გაგვაცნეს მათი რჩეული მხატვრის ბიოგრაფია და შემოქმედება, გაანალიზეს კონკრეტული ჟანრი,ისაუბრეს გამომსახველობით საშუალებებზე. მოსწავლეებმა, აგრეთვე, მოიძიეს ინფორმაცია იმ ისტორიულ პერიოდსა და მოვლენებზე, რომელთაც გავლენა იქონიეს ამა თუ იმ ხელოვანის შემოქმედებაზე.