15 აპრილს სკოლის ეზოში შეიკრიბნენ I-IV კლასების მოსწავლეები. დაწყებითი კლასების მასწავლებელმა ქ-ნმა მარიამ კუბლაშვილმა მათ წაუკითხა ვაჟა-ფშაველას მოთხრობა „ია“. წაკითხვის შემდეგ მოსწავლეებმა გადმოგვცეს მოთხრობის შინაარსი და ისაუბრეს იმაზე, თუ რას გვასწავლის ვაჟა- ფშაველას ეს ნაწარმოები და რისი თქმა სურდა მწერალს ჩვენთვის.
დასასრულს მოსწავლეებმა ისაუბრეს ბუნების სილამაზეზე, მნიშვნელობაზე და მისი დაცვის აუცილებლობაზე.
აქტივობა ჩატარდა სასკოლო პროექტის -„ეკოლოგიური პრობლემების“ ფარგლებში.
/ქართული ენა და ლიტერატურა - მ. კუბლაშვილი, ლ. ჯოხაძე, მ. მოლაშვილი/
დაწყებითი კლასების მოსწავლეთათვის ყველაზე ემოციური აღმოჩნდა კალიგრაფიისა და კითხვის კონკურსში გამარჯვებულ მოსწავლეთათვის სიგელების გადაცემის ცერემონიალი.
I-IV კლასების მოსწავლეები, მასწავლებლები, აღმზრდელები და სკოლის დირექციის წარმომადგენლები სკოლის შიდა ეზოში შეიკრიბნენ. სუსტი ქარი ქროდა... ქარმა ჩვენს მოსწავლეს სიგელი ხელიდან გამოსტაცა და ცაში აიტაცა... ყველას მზერა მისკენ იყო მიპყრობილი... სიგელის მფლობელი დანაღვლიანდა... სიგელების გადაცემის შემდეგ კი II კლასის ერთ-ერთ მოსწავლეს სიხარულის ცრემლები გადმოსცვივდა...
გახარებული ბავშვები ფერად-ფერად სიგელებს ცაში აფრიალებდნენ.
ეს დღე დაუვიწყარი იქნება ჩვენი პატარებისათვის...
დაწყებითი კლასების კათედრის ინიციატივით, I-IV კლასების მოსწავლეთა მონაწილეობით 13, 14 და 15 აპრილს ჩატარდა დედაენის დღისადმი მიძღვნილი რამდენიმე ღონისძიებას.
13 აპრილი - კალიგრაფიის კონკურსი;
14 აპრილი - კითხვის კონკურსი
15 აპრილი - მსვლელობა დედაენის ძეგლთან და კონკურსებში გამარჯვებული მოსწავლეებისათვის სიგელების გადაცემა.
მოსწავლეებმა დიდი მონდომებით შეასრულეს ყველა დაგეგმილი აქტივობა. განსაკუთრებით გაიხარეს გასვლითი ღონისძიებით - პანდემიიდან გამომდინარე, უმეტესობისთვის ეს პირველი სასკოლო მსვლელობა იყო...
ბავშვებმა ყვავილებით შეამკეს დედაენის ძეგლი და წაიკითხეს ლექსები.
/მე და საზოგადოება - მოქალაქეობა - მ. მოლაშვილი, ე. ბუცხრიკიძე/
სასკოლო პროექტის ფარგლებში, სკოლაში შეგროვდა დიდი რაოდენობით მაკულატურა. ყველა მოსწავლეს კარგად აქვს გაცნობიერებული რა რაოდენობის ხე-ტყეა საჭირო ქაღალდის დასამზადებლად. სწორედ ამიტომ უნდა გავუფრთხილდეთ თითოეულ ფურცელს, ცალკეულ შემთხვევებში კი გამოვიყენოთ მეორადი ქაღალდი. ამით გადავარჩენთ ტყეების, დაცული იქნება დედამიწის მწვანე საფარი...
I, V და X კლასების მოსწავლეებისა და მათი მშობლების დახმარებით, სკოლამ მაკულატურის ჩასაბარებელ პუნქტში 292 კგ მაკულატურა მიიტანა. სანაცვლოდ კი შეირჩა და სკოლის ბიბლიოთეკას გადაეცა 4 წიგნი:
გ. პეტრიაშვილი - „პატარა ქალაქის ზღაპრები“ (IV-V კლასი)
მაინ რიდი - „უთავი მხედარი“
გი დე მოპასანი - „ლამაზი მეგობარი“
„მსოფლიოს მითები და ლეგენდები“
/ბუნებისმეტყველება და მე და საზოგადოება - მ. კუბლაშვილი, ლ. ჯოხაძე, მ. მოლაშვილი/
2022 წლის 14 აპრილს, დაწყებითი კლასების ბუნებისმეტყველებისა და მე და საზოგადოების მასწავლებელთა ხელმძღვანელობით I-II და III-IV კლასებთან, სასკოლო პროექტის ფარგლებში ჩატარდა ეკოლოგიურ პრობლემებთან დაკავშირებული ინტეგრირებული აქტივობა. მოსწავლეებმა საკუთარი აზრი და დამოკიდებულება გამოხატეს გარესამყაროში არსებული პრობლემების შესახებ. ესაა დაბინძურებული ეზო, სკვერი, ქუჩა, სადარბაზო, ჰაერი, წყალი... მათ საკმაო ცოდნა გამოავლინეს აღნიშნულ საკითხებთან დაკავშირებით:
„ზოგიერთი ადამიანი ძალიან ცუდად ექცევა ბუნებას, და ეს კარგს არაფერს მოგვიტანს...“ –
ნ. ხოხაშვილი (III კლ);
„თუ ვერ გაიხარეს მცენარეებმა, არც ცხოველებმა იცოცხლეს, წყალიც და ჰაერიც თუ დააბინძურეს ადამიანებმა, მაშინ დედამიწაზე ჯოჯოხეთი იქნება...“ - დ. კალანდაძე (II კლ);
„არ შეიძლება ტყის გაჩეხვა, წყლისა და ჰაერის დაბინძურება, თორემ ადამიანები მოიწამლებიან და ყველა დავიხოცებით...“ - გ. ვაშაკიძე (IV კლ) ეს და კიდევ არაერთმა მოსაზრებამ გაიჟღერა ამ შეხვედრაზე.
კითხვაზე, თუ რა უნდა გავაკეთოთ იმისათვის, რომ დედამიწა გადარჩეს და ადამიანებმა კარგად იგრძნონ თავი?.. ჩვენმა პატარებმა დაუფიქრებლად გასცეს ამ კითხვას პასუხები:
„არ დავაბინძუროთ გარემო!“
„არ უნდა გავჩეხოთ ტყეები!“
„უნდა დავრგოთ ხეები!“
მოსწავლეთა ნახატების გამოფენა
/ხატვის წრე - მ. მოლაშვილი/
2022 წლის 13 აპრილს დაწყებითი კლასების მოსწავლეთა ნამუშევრების გამოფენით გაიხსნა სასკოლო პროექტი სახელწოდებით - ეკოლოგიური პრობლემები. I-IV კლასების მოსწავლეთა ნამუშევრებში ნაჩვენებია მათი თვალით დანახული დედამიწა და არსებული ეკოლოგიური პრობლემები (მასწ.: მ. მოლაშვილი). გამოფენაზ ეასევე წარმოდგენილია VI კლასის მოსწავლეების - ლუკა ხვინთელანის, ნუცა ხორგუაშვილისა, მარი დუმბაძისა და ნინი დარჩიძის არაჩვეულებრივი ნამუშევრები. მათი ხილვა კიდევ ერთხელ გვახსენებს, თუ რამდენად ლამაზი და ნაირფერია ჩვენი სამყარო.
სასკოლო პროექტის ფარგლებში, XI ლასის თითოეულმა მოსწავლემ წარმოადგინა ესე. მათ ისაუბრეს, თუ რა ახალი კუთხით დაანახათ მწერლის ნაწარმოებებმა ბუნება, რაზე დააფიქრათ, რამ დააინტერესათ. იმსჯელეს პრობლემის აქტუალობაზე - თუ რა დამოკიდებულება უნდა ჰქონდეს ადამიანს ბუნებისადმი.
„ეკოლოგიური პრობლემები“
22 აპრილი - დედამიწის საერთაშორისო დღეა!
ასე ეწოდება პროექტის თემას, რომელზედაც სკოლამ არჩევანი გააკეთა.
თემის შერჩევა საკმაოდ ბუნებრივად მოხდა: პანდემიიდან გამომდინარე შეირჩა ჩატარებისათვის ყველაზე ხელსაყრელი პერიოდი - აპრილის თვე, რამაც თავისთავად მიგვიყვანა დედამიწის საერთაშორისო დღესთან.
დღეს, როგორც არასდროს, დედამიწა ჩვენგან შველას ითხოვს!
ეს ის პრობლემაა, რომელიც ადამიანმა ადრეული ასაკიდან უნდა გაითავისოს და იზრუნოს მასზე. ამაზეა დამოკიდებული ჩვენი და ჩვენი მომავალი თაობის კეთილდღეობა...
ეკოლოგიური პრობლემების დანახვა, მისი გაცნობიერება და ეკოლოგიაზე ზრუნვა - ესაა ის, რა მიზანსაც ემსახურება ჩვენი სასკოლო პროექტი.
სასკოლო პროექტისათვის მზადებას სკოლა 2021-2022 სასწავლო წლის II სემესტრიდან შეუდგნენ. მასში ჩართვის სურვილი თითქმის ყველა კლასმა გამოთქვა. საკითხის შესწავლას და თემების დამუშავებას ფაქტობრივად ყველა საგანის ფარგლებში შეუდგნენ: ქართული ენა და ლიტერატურა, მათემატიკა, უცხოური ენა (რუსული ენა), ბუნებისმეტყველება, მე და საზოგადოება, მოქალაქეობა, ისტორია, გეოგრაფია, ფიზიკა, ბიოლოგია, ქიმია, სახვითი და გამოყენებითი ხელოვნება.
გაგაცნობთ სასკოლო კვირეულის ფარგლებში დაგეგმილი ღონისძიებებისა და აქტივობების ჩამონათვალს - პროგრამას:
ე კ ო ლ ო გ ი უ რ ი პ რ ო ბ ლ ე მ ე ბ ი
(2022 წლის 13, 14, 15, 18, 19, 20, 21, 26 აპრილი)
22 აპრილი - დედამიწის საერთაშორისო დღეა!
სასკოლო პროექტის კვირეული
13 აპრილი - 12:00 სთ - კვირეულის გახსნა - დაწყებითი კლასების მოსწავლეთა ნახატების გამოფენა;
/ხატვის წრე - მ. მოლაშვილი/
12:45 სთ - „ვაჟა - ბუნების ენის უბადლო მცოდნე, მისი დიდი მესაიდუმლე“ (XI კლ)
/ქართული ენა და ლიტერატურა - ე. კაციტაძე/
14 აპრილი - 12:00 სთ - შემეცნებითი ხასიათის ანიმაციური და დოკუმენტური ფილმების ჩვენება
ეკოლოგიური პრობლემების შესახებ (I-II კლასები და III-IV კლასები)
„დედამიწის დაბინძურება“ - პრეზენტაცია (IV კლ)
/ბუნებისმეტყველება და მე და საზოგადოება - მ. კუბლაშვილი, ლ. ჯოხაძე, მ. მოლაშვილი/
13:30 სთ - მაკულატურის ჩაბარება შესაბამის პუნქტში (I, III, IV, V, VII კლასების
ცალკეული მოსწავლეებისა და მათი მშობლების ჩართულობით)
/მოქალაქეობა - ე. ბუცხრიკიძე/
15:00 სთ - მაკულატურის სანაცვლოდ მიღებული წიგნების გადაცემა ბიბლიოთეკაზე
15 აპრილი - 11:20 სთ - ბიომრავალფეროვნების დაცვა (V კლასი)
/ბუნებისმეტყველება - ხ. გოცირიძე/
14:00 სთ - ვაჟა-ფშაველას „ია“ - მოთხრობის კითხვა და ანალიზი
(I-II - III-IV კლასები)
/ქართული ენა და ლიტერატურა - მ. კუბლაშვილი, ლ. ჯოხაძე, მ. მოლაშვილი/
13:30 სთ - გლობალური დაბინძურება - მოსწავლეთა ჩანახატები (VII კლ)
/სახვითი და გამოყენებითი ხელოვნება - ქ. თვაური/
18 აპრილი - 12:00 სთ - ეკოლოგიური პრობლემები ჩვენს ქალაქში (VII კლ)
/ინტეგრირებული: რუსული ენა - მ. კორსაველი და მათემატიკა - ც. სოხაძე/
ყველას პრობლემა, ვინც დედამიწაზე ცხოვრობს (IX კლ)
/რუსული ენა - ნ. ჭუბაბრია/
19 აპრილი - 09:00 სთ - პლასტმასის გამოყენება
/ბიოლოგია - ა. მელისკაური/
11:20 სთ - მდგრადი განვითარების 17 მიზანი (IX კლ)
/მოქალაქეობა - ე. ბუცხრიკიძე/
12:00 სთ - გარემოზე ზრუნვა (VII კლ)
/მოქალაქეობა - ე. ბუცხრიკიძე/
20 აპრილი - 09:45 სთ - ქიმიური დაბინძურებით გამოწვეული ეკოლოგიური პრობლემები (VIII კლ)
/ქიმია - თ. ბაკაშვილი/
11:20 - ტყის განადგურების უარყოფითი შედეგები (VI კლ)
/მათემატიკა და ბუნებისმეტყველება - ნ. შაროვი, ხ. გოცირიძე/
21 აპრილი - 10:30 სთ - ომი და ეკოლოგია (IX კლ)
/ისტორია - ი. გარსენიშვილი/
12:00 სთ - ფიზიკა და ეკოლოგია (XI კლ)
/ფიზიკა - მ. გოგაძე/
26 აპრილი - 13:00 სთ - კვირეულის დახურვა
„გაუფრთხილდი დედამიწას! “ - ასფალტზე ხატვა (I-VI კლ)
მცენარეების დარგვა სკოლის ეზოში (I-XI კლ)
ს ი გ ე ლ ე ბ ი ს გ ა დ ა ც ე მ ა
/სკოლის დირექცია/