ჩვენი საქართველოს მასწავლებელმა ქ-ნმა იზა გარსენიშვილმა VI კლასის მოსწავლეებს სახალისო დავალება შეასრულებინა - ნასწავლი ცნებებისა და ტერმინების გამოყენებით საახალწლო მისალოცი ბარათების შედგენა.
კლასმა გამოავლინა გამარჯვებული. ესაა სანდრო დარსალია, რომელსაც გამარჯვებულის ვარსკვლავი გადაეცა.
12 ნოემბერს VI კლასის მოსწავლეებმა ბუნებისმეტყველებაში წარმოადგინეს საინტერესო კვლევა (მასწ.: ხ. გოცირიძე) სახელწოდებით: „ მოქმედებს თუ არა საყოფაცხოვრებო ნარჩენები გარემოს მდგომარეობასა და ადამიანის ჯანმრთელობაზე“.
კვლევის მიზანი იყო: მოსწავლეებს დაედგინათ თუ როგორ მოქმედებს საყოფაცხოვრებო ნარჩენები გარემოს მდგომარეობასა და ადამიანის ჯანმრთელობაზე. მათ გაიაზრეს, რომ საყოფაცხოვრებო ნარჩენების მეორეული გამოყენებით (რეციკლინგი) შესაძლოა თავიდან ავიცილოთ გარემოს დაბინძურება. მოიძიეს ინფორმაცია და იმსჯელეს ნარჩენების სახეებზე, გადამუშავების ხერხებზე და მეორეული გადამუშავების შედეგებზე. მოსწავლეებმა პრეზენტაციისათვის შექმნეს და საინტერესოდ გააფორმეს ფორმატები.
2021 წლის 19 ნოემბერს X კლასმა წარმოადგინა საინტერესო პროექტი სამოქალაქო განათლებაში (მასწ.: ელისო ბუცხრიკიძე). ტრეფიკინგი - ესაა თემა, რომელიც სკოლის ასაკიდან უნდა ჰქონდეს მოზარდს გათავისებული და ესმოდეს საფრთხის რეალობა. მოსწავლეთა პრეზენტაციიდან და შემდგომი საუბრიდან გამომდინარე, მოსწავლეებმა არაჩვეულებრივად გაართვეს თავი დავალებას. მათ მიერ მოპოვებული და დამუშავებული მასალა იყო მაქსიმალურად სრულყოფილი და მრავლისმომცველი. რამდენიმე მოსწავლე, ვინც საპატიო მიზეზით სკოლაში ვერ გამოცხადდა, გაკვეთილს დაესწრო დისტანციურად და ამ სახით შელო საკუთარი პროექტის წარმოდგენა.
გაკვეთილს ესწრებოდნენ სკოლის დირექტორი, სასწავლო ნაწილის გამგე და სკოლის ორგანიზატორი.
მოსწავლეებმა პარალელი გაავლეს ქართულ უძველეს დღესასწაულ ბერიკაობასთან;
26 ოქტომბერს IV კლასის მოსწავლეებმა ინგლისურ ენაში წარმოადგინეს პროექტი "My favourite animal". მათ ისაუბრეს რომელია მათი საყვარელი ცხოველი, როგორ გამოიყურება ის, რა შეუძლია და რა არ შეუძლია მათ საყვარელ არსებას, რატომ უყვართ ის ასე ძალიან... მოსწავლეებმა შექმნეს და წარმოადგინეს თემის შესაბამისი საინტერესო ნამუშევრები.
პრეზენტაციას ესწრებოდა სკოლის დირექტორი.